介绍:
读白：
总有咁样嘅一个人，你将佢放系心底一个角落，小心翼翼咁保护住，佢成为过你嘅四季，温暖过你嘅时光，即使唔可以同佢相拥，但依然会将一丝一点嘅回忆，化做美梦。
忘记一个人一件事，嘴巴上边再硬，但系个心依然会忍唔住去寻找翻以前嘅一字一句，就好似唔见咗心爱玩具嘅小朋友，第一时间唔系买新嘅，而系不停搵，不停问，希望可以搵翻D玩具出黎。珍惜一样嘢，你会选择小心保护，而一份小心翼翼嘅感情，可能带俾你安静舒心嘅感觉，但系太小心咁爱一个人，注定会失去对方，因为，你会首先失去自己。
爱情唔系良药，唔一定可以治愈每个受伤嘅心灵，爱情唔系童话，唔一定会有幸福美满嘅结局，爱情更加唔系空气，你唔一定每时每刻都需要佢。爱情只喺一块玻璃，你可以轻松拥有，但即使你努力保护，但系一唔小心，佢就会变得支离破碎，并且，会伤害到你。
但系选择咗去爱，我地就要勇敢去承受一切嘅失落同埋眼泪，如果太累，就及时咁道别啦，相会再别离，别离再相聚，一生人，不单只喺一个伴侣
大家还在听
