好彩我及时刹车，否则呢个世界又多一个渣男

好彩我及时刹车，否则呢个世界又多一个渣男 峰哥，今期我唔系话要求助，我纯粹想讲下我听你节目嘅一啲收获同埋一啲经历同大家分享一下，同时，亦都提醒听咗基神嘅节目啲friend真系要守住自己条底线。 基神嗰期节目我反复听咗好多次，你之前直播嘅时候讲过你冇拍过拖嘅，你所有嘅理论都系听翻嚟同埋睇书学嘅，我当时我仲串过你。 我话你自己都未沟过女，你就教人哋沟女，我以后仲信唔信你好，我唔知你仲记唔记得有冇睇到嗰条评论，但系今次我听咗你个节目，我系真系觉得好有道理，我听咗几年噶啦，我真系觉得你讲嘅嘢系好有道理，虽然你成日话你冇经验，但我都好信你嘅理论系可行嘅，咁啱今次我真系遇到啲咁嘅case，我试咗基神嘅理论，我差啲收唔住。 你节目讲到嗰啲家庭唔完整或者两性关系有问题嘅女仔系最容易落手嘅，咁啱，我朋友圈有一个加咗好耐好耐嘅微信好友，其实我哋冇倾过偈，系好多年前，应该系七八年前，嗰阵时系一个Q群嗰度加嘅，跟住尾又转咗去加咗佢嘅微信，都冇倾过偈，朋友圈亦都冇去评论过，冇互动过嘅，基本上就喺彼此嘅圈子去做卧底咁样。 嗰日，突然间我见到佢发咗朋友圈，好夜噶啦，我记得好似系11点几，嗰阵时我差唔多要瞓嘅，我见佢发朋友圈冇带图片嘅，而我通常都觉得呢啲唔配图嘅，可能先系最值得关注嘅，就好似啲新闻咁样，越简单，嘅越大镬，佢话佢只想做个普通人，但系连呢样嘢佢都做唔到，太失败啦，就系咁样嘅一条信号就俾我捉住咗，佢系人妻嚟嘅，已经结咗婚有细路仔噶啦。 咁我就去评论佢啦，我话发生啲咩事啊，其实普通人都有高有低，有起有落，失败系人生嘅常态，只要你唔认输都有机会，我就讲啲咁嘅说话，跟住佢就秒回我喺个朋友圈，我哋来回咁样倾咗好多，倾到12点几我忍唔住啦，我叫佢早啲瞓，因为我第二日仲要翻工。 嗰阵时我就知道你嗰个理论系work嘅，又或者讲阿基神嘅理论系work嘅，我冇将件事情太过当一回事，我亦都冇谂住去发展，因为毕竟人哋已经结咗婚有细路仔有家庭嘅，但系当时我真系有啲暗爽嘅，我系有少少觉得我其实都可以，我都可以成为下一个基神，当然我只系咁样谂啫，我冇咁样做，因为对方真系一个好靓，好靓嘅女仔嚟嘅。 然之后过咗一段时间，佢发咗一句说话俾我，叫我帮佢助力买机票，佢喺外地嘅，我当时咧就开玩笑同佢讲，我话点啊，你忍唔住要过嚟见我啊。 可能佢嗰条信息系群发嘅，但系我就唔知点解，就系咁样好中意去撩佢复咗佢，跟住佢话，你点知我系要去你嘅城市嘅？佢话你睇得到噶咩，我哋就咁样倾起身，然之后倾咗好多佢点解要嚟我嘅城市，发生咗啲咩事，佢点解嗰次发嘅朋友圈系讲呢啲咁嘅嘢，其实佢都好悲惨，佢嘅人生本身系可以有好多美有好多选择，但系佢结咗婚拣咗一个错误嘅人生。 嗰几日佢好似好依赖我，成日搵我倾偈，将佢所有嘅隐私，所有嘅家庭嘅状况全部都话晒我听，佢话佢身边冇人可以同佢分享，佢好难先做到嘅决定，要离开佢嗰个衰人老公，至于佢哋发生啲咩事咧，我就唔方便再详细讲啦，真系一件好折堕好阴公嘅事情嚟嘅。 当我意识到佢开始问我啲嘢嘅时候，我知道佢已经对我产生兴趣，但系我唔希望件事情咁样发生，我唔可以失去我嘅底线所以后嚟我就慢慢去引导佢，等佢慢慢冷静落嚟，然之后我冇再搵佢，佢亦都慢慢冇再搵我，件事情就咁样算系告一段落，但系我真系好惊，我好惊，如果下次我把持唔住，我会唔会真系会成为一个渣男。 所以我想提一提听过基神嗰期故事啲friend，如果你哋真系要去用，希望你用喺正图上边，唔好行差踏错，我觉得人系一定要有自己嘅底线嘅，我听咗老冯嘅节目已经六七年啦，其实讲真我真系几佩服佢嘅，无论佢同我哋讲过啲乜嘢都好，佢始终都会提醒我哋乜嘢系正确乜嘢系错，我几相信佢嘅价值观嘅。 回复： 呢期咧系有啲出乎我意料之外，但喺又喺情理之中，我都相信除咗呢位friend之外，其他friend可能听到之后都会有啲收获嘅，讲真嗰期付费节目，其实我点解要设置付费，我喺嗰期节目都已经讲咗，我唔系太希望好多人去听到同埋知道呢啲嘢。 既然我已经设置咗，你都听到，我亦相信你哋一定可以做出正确判断。因为喺我节目有成万几个听众，喺万几个听众当中，如果你肯花钱去听嗰个节目或者听嗰个专栏，咁，我相信你都肯定听咗好耐我嘅节目，亦都系基于我对你嘅信任，我相信你系有自己嘅底线嘅，就好似呢个friend咁样。 最后我想讲，你用呢啲理论去媾女唔代表你喺渣男，渣男喺我眼中喺嗰啲一开始就预咗伤害对方嘅情感骗子，譬如你明知对方喺真心想揾个人结婚嘅，而你冇谂住同呢个人长远发展，为咗满足你一己私欲，制造虚假梦想同承诺，令对方陷入你嘅爱情陷阱，呢种就喺扑街渣男啦，客观啲讲，某程度上，我甚至都唔觉得啊基喺渣男，佢发展嘅每一段关系其实大家都知道彼此只喺寻欢，冇任何一个女人有谂过嫁俾佢，佢亦都明明白白讲清楚自己喺不知道托付，咁样嘅关系，称不上欺骗，但喺咁嘅价值观喺确实不值得提倡。 所以我做基神专辑嘅其中动机，喺想揭开呢种套路嘅真相，可以教身边啲人点样去提防呢啲情感老千，无论如何啦，其实我觉得都系两面嘅，正如菜刀一样，你可以用嚟切菜煮饭，亦都可以用嚟杀人，就睇你点样用佢啫，下期再会。