搵个时间，我建议你请下假

搵个时间，我建议你请下假。 上个星期我冇周更，因为周末有团结，然之后我周五就开始痛风发作，对上一次咧系旧年嘅七月，我一痛就躝咗成个月，嗰种痛，简直不堪回首。 今次痛风，其实对于我嚟讲意义重大，好大，大到咩程度咧，大到Dcup咁上下大咯。 嗱，有几个点嘅，咁第一个点咧，就喺成年人有时候应酬喺冇得选嘅，记得我之前嘅节目有讲过，我系一个极度唔喜欢应酬嘅人，当时句话一出咧，就俾总监叼，佢话个世界有人中意应酬嘅咩？冇噶，都系被逼噶咋，痛风我系唔想出门，唔想行路，系痛到你唔想企嘅。 咁当时因为团建系上周一就定咗噶，冇可能你作为一个team leader你唔出现噶，好憨鸠噶嘛，所以我忍住痛，都要出席，另外咧都有啲新嘅同事同我讲可唔可以唔嚟，我话如果你觉得你好忙，你唔想嚟，你想扫大家兴，十个人等你一个人，你唔嚟，你埋冇嚟囖。 冇办法，佢亦都要焗住嚟，仲有另外一个咧，因为佢业绩差，佢觉得自己冇资格嚟到食餐饭，唱个K，又想唔嚟，我同佢讲，我话你业绩差，你就唔嚟，等你业绩好，你先嚟，咁你有几何有机会食饭啊，Team嘅活动系团队嘅经费，就算你做一蚊业绩或者你冇做业绩，你都有资格嚟食个饭，因为你系我嘅team嘅人，如果你唔嚟，咁人哋点谂啊，你会扫人哋兴噶嘛，咁佢又焗住嚟咗。 所以，第一点感触咧，就系真系成年人，好多时候都几身不由己。好多时候你做下属，你觉得个team嘅团建我唔想去，星期六日我想休息，其实好多时候可能个主管都未咁想去噶咋，喂，但系你好得意喎，就系嗰啲leader唔系咁想，下面啲人又唔系咁想，点解仲要去做咧，系嘛，呢样嘢值得大家思考一下。 第二点就系我觉得痛苦同磨难系有价值嘅，个价值喺边度咧，佢可以令你减少往后呢种痛苦嘅出现，同埋嗰个痛苦嘅程度可以降到最低。 我旧年嗰次痛咧系痛到真系撕心裂肺，即系你未痛过风，你系唔知道嗰种痛嘅喺几恐怖。有人话，痛风啫嘛，有咩啊，就好似啲女人同你讲M痛，你都会觉得M痛啫嘛，有咩啊，你试下咪知咯。 我以前都唔知高血压系有咩咁大不了嘅，直到我team有个人九三年嘅佢高血压，嗰种痛苦折堕，我未体验过，我净系睇佢样我就知啦，后尾我就劝佢不如你翻去唞下啦。 今次痛风点解会令到我有咁大嘅感触咧，对上嗰年我痛风，我系谂住斩咗对脚嘅，我系爬去厕所，我唔系同你讲笑，一啲都唔夸张，我系爬去厕所，然之后喺嗰度喊住咁样去解决生理问题。 因为我系住城中村，系冇坐厕，系踎厕，你知道痛风佢冚加啲关节咧，系你老母一喐下就生不如屎，我旧年系两只脚嘅膝头哥，同个脚腕都系肿撚咗，四个位，你唔起身，净系瞓喺嗰度嗰阵时已经系生不如死噶啦，你企起身，死不如生生不如死，你行路死不如生，生不如死死不如生。 如果你踎喺度屙屎啊，咁你扑街啦，生不如死，屁不如生生不如死，死不如生，生不如死死不如生，真系噶，唔撚讲笑。 嗰种辛苦折堕讲出吓鬼咁样咧，我旧年系唔撚知噶嘛，即系因为痛到不得了啦，我百度就搵到好多方法，睇咗好多医生系冇撚用嘅，直到我试咗秋水仙碱，咁嗰阵时我妹嘢仲响广州度，我叫佢去嗰间诊所度，开咗秋水仙碱，我一食撚咗咧，真系冇咁撚痛，可以瞓翻一下好觉，真喺好似神农尝百草咁，吃得多，你一定知道边只药喺岩你嘅。 咁总结出嚟咧，就系当你轻轻觉得痛嘅时候，你应该食药，觉得轻轻痛嘅时候你应该请假，所以我今年系冇点样痛，我系可以瞓得好觉，我系请咗两日假，基本上咧，而家系冇点样痛噶啦，我听日就可以翻工噶啦。 我想讲，好似呢种病咁样，即系高血压，痛风，糖尿病啲閪病咧，系冇得根治噶嘛，咁你如果系患咗呢种病，你觉得，人生就从此灰暗，冇咗做人嘅乐趣，大可不必嘅。我啊，即系已经好撚严重嗰只嘅，我觉得既然医唔好啦，咁我咪享受当下嘅日子咯，真系噶，做人几时死都唔知系嘛，乐观啲啦。 就好似戒口咁，我可以少食，但我唔可以唔食，医生都咁样同我讲噶，有得食好食，有得瞓好瞓，系咪，做人嘅嘢食一餐就少一餐噶嘛，你唔食喎，傻猪嚟嘅。 所以如果你患到一种季节性嘅病，即系好似我啲咁样，一年咧梗会痛一次嘅，第一样嘢，咁你差唔多到嗰阵时，你要留意，提前就买好药，第二样嘢，你要知道边啲药系特效药，第三样嘢就系你知道你要提前做好假期准备，我叻仔啦，我提前储好年假冇用过，我系放住呢个时候用嘅，所以其实你话痛苦同磨难有冇意义咧，系有嘅，佢可以帮你减轻往后嘅痛苦，同埋减少个频次。 我旧年痛一个月，我今年三四日，我旧年痛到瞓唔着，今年系行嗰时痛一下啫嘛，踎喺度都唔系话痛到喊，仲OK嘅。 所以我话痛苦磨难喺有一定嘅价值，即系当你对个痛苦同磨难咧，有一个反思同总结之后，你系可以对未来嘅人生有预测预判同埋防治。 咁第三样嘢系咩咧，第三样嘢系讲到好劲好劲，即系我做管理啊，我以前有同大家分享过，就话我做管理，我劲系我一走嗰间公司唔得，个team唔得，我觉得好劲，后尾我先知道，哦原来真正劲嘅管理系，你唔响度，佢依然可以正常运作，嗰个先系劲，所以咧我特登请两日假，其实我可以唔请嘅，我特登要请，再加上今个月成个大环境都唔好，我哋定个目标都颇高嘅，而家完成率只有20%几，时间已经过一大半噶啦，二十几喎，我谂住请一请假，我想知道平时我向公司咁忙，喂，如果我唔响公司嘅时候佢哋系点样嘅咧。 我哋总监之前开会讲过，即系明明嗰个人可以做到5万业绩，你管一管做3万，明明嗰个team可以做30万嘅，你管管做十几万，有啲咁嘅案例噶，话说有一个其他组嘅离咗职嘅人，佢话佢同佢哋经理百字不合，佢经理请假时候佢就开到单，佢经理一翻工咧，佢就开唔到单，呢啲咪就系你过度干涉咗你嘅组员咯，就仲有一种情况就系你喺度嘅时候，个团队死气沉沉，你唔喺度嘅时候大家欢天喜地，咁你考虑下系咪你嘅存在影响住你个team嘅气场咯。 仲有一样嘢就系时刻要准备你个team做大嘅时候，你要知道人生系好多意外噶嘛，咁如果你唔响度，你个团队点样咧，你唔好喺度赌命运，唔喺搏大雾，我系提早已经培养咗两个接班人，将我哋个team一分为二，俾佢哋2个人去带，咁一嚟咧，可以令到佢哋主动去参与团队入边嘅事务，佢嘅荣誉感归属感会更加强，同时佢亦都能够得到锻炼，其他同事亦都可以受惠于佢哋嘅帮助，系一举4567得噶。 佢哋平时要做啲乜嘢啊，我都会同佢讲噶嘛，咁佢哋过程当中遇到啲咩问题，我要教佢嘛，咁我请假时候我就叫佢哋去帮我带一带人，佢哋有成就感，会积极去参与当中，个团队正常运作都有保障，我再另外，委托我哋区长去帮我带一带，一个新嘅，比我更加高一级嘅人去带，佢哋嘅感觉系唔一样噶。 可能有啲陋习喺我度我改佢唔到，佢哋唔惊我，因为佢哋同我行得好埋，咁一个更高级嘅人嚟咧，佢就可能就会惊，个数据可能会好啲，个工作效率可能会高啲，唔一样噶嘛，同埋佢对佢哋管理嗰个方法方式可能又唔一样噶，佢教嘅嘢可能又唔一样噶，咁咪会有啲新嘅冲击嚟到去激活下个团队咯。 所以你真系要搵个时间俾自己请一请假，无论你系任何人，有时候喺需要你唔向公司，你先知道你嘅位置同价值。 总结一下今天分享嘅重点，一，成年人好多身不由己嘅应酬，大家都唔想，但喺好有必要；二，对苦难嘅反思同总结，可以减轻苦难对你未来的出现次数；三，揾个时间请请假，俾自己从嘅局中抽离，再去睇睇当局者嘅问题。