推书——理想身材，吃即王道

不易坚持的减肥法，不会成功 Hello， 大家好！欢迎收听《粤来粤精彩》，我系悄悄。减肥一向都系女人永恒的话题，而当提到咩方法先至系最好的方法，大家都一定会话当然系运动同节食啦。最近悄悄睇左一本书，叫做《理想身材，吃即王道》。里面的一个观点悄悄好同意，唔易坚持的减肥法，唔会成功减到肥。所以，今期节目，推荐呢本书比大家，《理想身材，吃即王道》。 呢本书首先就介绍左几种会反弹的减肥方法，例如话：哥本哈根减肥法啦，呢种方法要求减肥者按照一份13日食谱严格控制饮食，早餐标配系一杯黑咖啡和面包片，；午餐一般系200克火腿、鳕鱼或两只鸡蛋；晚餐系200克牛排、250克鸡肉等肉类，蔬菜唔限量。呢种方法严重缺少碳水化合物的摄入，营养结构单一，热量供应不足，好可能会导致营养不良，体重有所减轻，但会对身体造成伤害。另一种系阿特金斯减肥法，呢种方法系美国阿特金斯博士提出，他认为肥胖的元凶系碳水化合物，鼓励少吃淀粉多食肉。呢中做法可以系短期内导致体重显著降低，血压、血糖、血脂下降，但长时间摄入大量蛋白质，可能会造成肝脏器官的负担。除此之外，过午唔食嘢的减肥法、单一饮食减肥法都会导致营养结构单一或者营养不良等现象，唔单止减唔到肥，仲会伤害身体器官。 所以，呢本书提出左科学的卡路里计算减肥法。而且除左卡路里计算之外，仲要注重碳水化合物、维生素、蛋白质的均衡摄取，最紧要的系，每一个减肥餐都系色香味俱全的。例如，牛肉焖糙米饭啦、时蔬鸡肉卷啦、清炒芦笋虾仁啦、黄瓜照烧鸡肉三文治等等啦。其实我地可以食得好美味，亦都可以科学甘控制体重同健康。 系我地的日常生活中，我地有几多貌似可以减肥但系并唔健康的做法呢？跟住落来话比大家听，睇系大家都有几条多唔好的习惯？第一，唔食碳水化合物类主食，虽然甘做可以快速减重，但如果长期唔食淀粉，会导致更多蛋白质分解和流失，而且一旦食翻淀粉，体重就会马上翻弹，所以悄悄建议大家将平时食的精米转为食五谷杂粮。第二，唔食早餐。好多人早上唔想早起床，所以懒得食早餐，或者只系饮杯嘢就当早餐，甘做系好危险噶。因为，早上起床之后人体的新陈代谢水平比较低，醒左之后唔食嘢，会无办法刺激代谢水平及时上升，容易血糖低，兼且非常唔利于注意力集中，同时仲会影响工作效率添。所以，平时唔食早餐的朋友就千奇要注意啦。第三，每餐只食一盆蔬菜沙律。呢种饮食方式非常极端，会导致严重的营养失衡，新陈代谢紊乱，甚至会影响女性的正常生理周期。所以，成日话要去食草的朋友，呢种方法系非常之唔健康噶。而其他唔好的习惯仲有忍住唔食中意食的嘢、大量运动但唔控制饮食、认为做家务唔系运动、减肥目标设立过高、暴饮暴食、经常外食或者叫外卖、过度饮酒、经常吃油炸食物、训觉之前食唔健康的宵夜、吃过多的甜品等等。唔知道大家有几条中呢？悄悄对比左一下自己的生活，都中枪唔少啊，唔怪得体重不断升高啦。所以，要一边睇住呢本书，一边要开始按照书本上的方法控制体重先得啦～ 呢本书除左上面讲到的一d 方法之外，仲介绍做好多有营养而且又好食的菜谱噶，如果想减肥又中意整嘢食的朋友都不妨试下啦～好啦，今期的粤来粤精彩到呢到就结束啦，多谢大家的收听，我系悄悄，我地下期再见啦～