【170818直播节选】低调的双满月，感谢有你💖

嗯… 懵盛盛甘就60场了 最开始接触荔枝既时候其实只系好纯粹甘觉得系我听网络电台或者系故事都好难稳到粤语，毕竟好文章同好既故事太多… 之后慢慢甘就开始将我觉得好既文章、故事或者系我自己既故事用粤语表达出黎，默默甘做录播，纯粹甘做分享… 我并唔知我既声音有无感染力，唔知可唔可以讲作者既心情表达出几，只系我觉得文章太好，想比更多既人听到，或者…我地可以产生共鸣！ 直到2个月前既一晚，我点开左直播按钮！当时既我只系觉得果晚好唔开心，想稳一D 完全唔识我既人倾下计。呢一晚亦都造就成，点解我宜家只会系每晚既12点后先开播！ 果晚既我一边饮住酒，一边同陌生既你地吐槽自己既无能，自己既天真！好记得当时有人问我系度讲紧TVB 边齣电视剧！我答左佢一句，我讲紧既唔系电视剧啊，我系度讲紧我既人生啊！系他妈的狗血剧情一样既人生啊！ 我以为果晚会系我第一晚亦都系最后一晚开直播！一次戏剧性既直播，果晚我一边饮酒，一边同陌生既你地倾计，直到早上7点几！当时既我并唔知道咩叫套路，咩叫跑骚！我亦都未听过其他主播既直播，系果晚比人套路系少不了，好就好在我并唔知原来果D系套路，我仲一本正经甘系度一直讲！亦都系因为呢个无知，领到我识左第一批既朋友仔，虽然佢地宜家已经唔再黎，但系每一个人既名我都仲系好记得！ 虽然直到到宜家我都无去跑过骚，可能系因为太多人叫我唔好跑骚吧，而我亦都觉得如果跑得多既话，我就会无左自己既风格！我任性既风格！ 直到宜家，呢两个月里面，我识左好多唔同既人，有搞事情既，有跑骚既，有比我连击既，有真正交心既，有从直播间直接倾到私底下语音倾计既！虽然人来人走，但好多谢果D一直都系度既你地，帮过我既你地，愿意同我交心既你地！ 我唔知我同你地可以行得几远…但我希望系一直到永远！直到有一日，你唔再需要我，当我稳你既时候，你直接同我讲，等我知道… 咁…我就会系我地了段友谊上面画上一个句号！