广播专辑 顶呱呱上海话基础课程(37)

第三十七课： 第一节：时间顺序： “日”的时程： 大前日ddou2xxi5nik1→ 前日xxi2nik1→ 昨日ssok1nik4→ 今朝jin5zao1→ 明朝min2zao4→ 后日oou2nik4→ 大后日ddu2oou5nik1（“日”都可改“天”） “月”的时程： 前个月xxi2aak4 yyuik12→ 上个月ssang2aak4yyuik12→ 搿个月ggak1aak3yyuik12→ 下个月oo2aak4 yyuik12→ 再下个月ze51 oo2aak4 yyuik12 “一天”的时程： 清早qin5zao1→ 早晨头zao3ssen5ddou1→ 早浪向zao3lang5xiang1/早上zao3ssang4→ 上半日ssang2boe5nik1/天ti1→ 中浪向zong5lang3xiang1→ 下半日oo2boe5nik1/天ti1→ 夜快头yya2kua5ddou1（傍晚）→ 黄昏头wwang2huen5ddou1→ 夜里向5yya2li5xiang1→ 半夜把boe3yya5bo1→ 下半夜oo2boe5yya1→ 天亮快ti5jiang3kuak1； 第二节《王小毛看大世界》 王小毛看到一幅广告，某演出“抢票中”。心想：中国人现在那能样样讲抢的，老底子谦谦君子风度一眼也无没了。看戏讲抢票，乘车 子讲抢座位，买物事讲抢购，炒股票讲抢跑道，年初五讲抢财神，一个社会处处提倡抢，总有一天要抢出事体来的。外滩看灯为了抢只 好位置，抢出大事体了伐！ 第三节：周立波词汇： 爆脱：突发性坏脱了。比如：电灯爆脱了，搿个人脑血管爆脱了。 撸脱：伊个职务畀撸脱了。搿桩事体撸脱算了。 疲脱：提勿起精神，吊儿郎当，无所谓个意思。比如：打伊也呒没用，伊已经疲脱了。” 从前有个聪明个憨大，拿了一把飞快个钝刀，杀脱了一个年轻个老头 第四节：上海闲话里个木 有两层意思。 　　一、动作迟钝，反应缓慢，做事办事手脚勿利索勿快捷。二、脑子勿灵活，思路勿敏捷。前者个木，多半是形容上了年纪个人。“ 老娘舅坐下来攀谈攀谈、讲讲闲话还看勿出七十多岁了。但是一走路一上台阶就显得木了。年纪不饶人啊。”还可以用木来描写做事勿 爽气个朋友。“叫小张去搬几只凳子来，完结！伊就是木兄兄个人，急勿出来个！”后者个木，是形态思路僵化、脑子死板个朋友。“ 侬假使照我个路子来配牌，侬就老早赢了。侬迭记木脱了！”“先揩台子后扫地，台上地下全部干净。侬反过来做，地板又龌龊了。真 是木噱噱！”岁数大了，老了，木了，大家体谅。年纪轻轻个，勿肯多动脑筋，做事体木兴兴、木兄兄、木噱噱，拨大家当笑话来讲， 作孽。 　 普通话里个木，刻画一个人感觉一时丧失，木然是也。称反应勿够敏捷个，木头木脑是也。上海人讲起来，搿就是木知木觉。木知木觉 ，上海闲话也有讲成为木知木角个。“单位里已经调来了新个领导，侬还勿晓得勿认得，真是太木知木觉了，算侬狠！”“小菜场摊头 浪有几个人靠过来问价钿，伊拉一定是连裆模子，拿我个皮夹子冲脱了。我一点勿觉着，木知木觉，倒霉煞脱了。” 　与木搭介个绰号里，拨上海人讲得最多个就是阿木林了。阿木林，里面有三个木，可以讲是木到根了。不过老上海称之为个阿木林， 是指有点乡愚、对时新类事物勿识勿懂个人。阿木林还算勿得是骂人个闲话。上海人还常常用伊来自嘲一番。“迭只新手机功能实在太 多了，我一点也白相勿来。儿子教了我好几趟还是勿来三。我真是个阿木林！”阿木林可以算是老个上海闲话了。 第五节 上海话俚语 自作聪明往往会变成冲头。为了辣辣刚刚认得个女朋友面前惯浪头，到名品店为伊狂买名牌，三日后女朋友脱伊分手勒，作孽啊，搿小 李连小手也呒没拉过，这就是标准个冲头。 第五节：上海话童谣 美丽的姑娘 美丽的姑娘辣辣小辫子， 美丽的姑娘点点小鼻子， 美丽的姑娘辣辣小耳朵， 美丽的姑娘翘翘小嘴巴， 美丽的姑娘攉攉痒嘻嘻。 踢毽子歌 一手心，二手背 三酒盅，四牙筷 五顶拳，六佛手 七杠子，八大跳 九上面，十上背 周剥皮 周剥皮，爱吃鸡 半夜三更来来偷鸡 我们正在做游戏 一把抓住周剥皮 问他为啥来偷鸡 他说老婆爱吃鸡