广播专辑 周立波海派清口15 广告用语

广播专辑 周立波海派清口15 广告用语 哎！比分讲老简单个口号标语哦，侬城市告农村哦，完全勿搭界！比方阿拉上海，宣传搿个计划生育，对伐？只生一个好，优生优育。哎,迭个老清爽，侬跑到农村勿好迭能写。农民伯伯看勿懂个。要直白。侬要搿恁，比方讲：“想致富，少养小人多养猪。”“一人结扎，全家光荣。”我也是真个也搞勿懂哎。一个人根脱全家光荣伊讲？哦，对勿起对勿起，口误。迭个根嫡脱搭结扎还是有区别个。迭个蹬脱呢是拿脱。结扎呢就讲比方公司歇业。公司歇业对伐。迭个意思就是讲理论浪讲侬侬侬想开业还可以打开来个。当然有勿有生意是另外一桩事体。乃末搿辰光计划生育。 我有一次就是讲开车子，开到北方。我看到只标语哦，吓煞脱哦。马路浪头噢，开了蛮好。看到围墙上头啦，用白颜色个石灰水刷老大个字。黑体字，刷辣嗨，写啥哦？写：抢劫警车是违法个，伊讲搿个物事也要提醒啊？娜介彪悍啊？抢劫警车是违法个搿要提醒个？后头一想阿拉毕竟是文化人，觉着迭个话中有话！我吓煞脱了。娜想想，抢劫警车是违法个？搿覅吓煞脱个？就是讲所有车子抢劫侪是合法个。乃我吓得了一天世界！350公里呒没停过哦。狂奔哦。吓也吓煞脱了。还有种侬比方讲迭个电网公司警示，哦写得了也是毛骨悚然。我我上次跑到好像河南也勿晓得，噢河南搿个地方。我看到就是讲高压高压铁塔旁边啪一条红底白字啊，迭个警示语，上头迭个写得睐真是好白相：写严禁触摸高压线。啥日没事体去摸高压线？！迭又勿是荡秋千？！逗号，还是逗号。严禁触摸高压线，逗号。一触即死，逗号。不死法办！哦哟搿条标语真个老恶劣个。伊搭侬每一步侪算好了。弄得了像聂卫平写出来个。啊是？呶首先叫侬严禁触摸高压线，葛末万一侬摸了哪能呢？一触即死。万一侬没死哪能办呢？不死法办！哦哟，迭个标语写得忒，搿个忒周全了。是伐？一路....当然喽，阿拉上海也勿是讲一点问题爷呒没。上海侬讲也偶尔会出两条出两条憨标语出来。我辣辣浦东看到一条标语，搿蛮挂三个。具体辣啥马路我勿讲拨娜听，万万万一今朝迭条马路个街道办主任坐辣辣下头，万一迭条标语就是伊写个呢。葛人家勿要无地自容个？但是迭桩事体是真个。阿拉上海勿是老早就讲垃圾分类么。垃圾分类。哦一条标语写得。看了胸瞎闷！偶尔经过一看，伊？哦，侬晓得伊哪能写？叫垃圾分类从你我他开始。死快阿拉比垃圾睐！迭个还分啥个分啊？覅分睐！再分阿拉还是垃圾。因为垃圾分类从侬我伊开始!