广播专辑 周立波海派清口20 笑谈滑稽界老前辈2

广播专辑 周立波海派清口20 笑谈滑稽界老前辈2 阿拉一代滑稽滑稽宗师，滑稽界搿搭阿拉周柏春老师，文革辰光吃足水苦头哦。拨造反派关进去，要叫伊交代问题。乃末勿交代问题就勿拨伊吃。就是侬要吃物事，侬总要交代问题。葛末，问题要交代清爽个呀。呒没睐？勿拨侬吃呀！饿侬两天！哦哟，阿拉老先生后头实在吃勿消睐，开始瞎讲了。“迭迭迭个？”，力道也呒没了。本身周老师讲闲话就是搿恁温吞水个。讲闲话讲勿出来。“同志啊，葛唠我有事体要交代啊！”造反派：啥事体啊？“呦呦，交代好以后有物事触祭伐？”“侬交代了搿就拨侬物事吃。”“迭个哦，同志啊，葛唠侬蒋介石认得伐？”“侬辣想啥物事？我蒋介石哪能会得勿认得啊？哪能继续讲！”“伊，我搿唠罪该万死呀，做啥，我葛唠是蒋老头子派了上海个潜伏特务啊！”阿拉周老师为了吃点物事讲自家是潜伏特务啦！”造反派一看：哦哟，有花头嘛！“侬继续讲！”“咦，迭个辰光原是初解放个辰光，迭个葛唠美国赤佬来炸伲杨浦电厂个事体侬晓得伐？”造反派讲：我晓得个呀。“对个呀，葛唠迭桩事体是我叫伊拉做个啦！”瞎搞！造反派讲：侬哪能叫伊拉做个！“咦，葛唠我我迭个亭子间里向发电报拨伊拉个。我电报嘀嘀嘀嘀嘀嘀，伊拉就过来了。”造反派讲：“还是相信侬！嗯搿侬哪能拍个？”“咦，我葛唠搿恁拍个呀，我辣亭子间里，门倒锁，我拿迭个窗帘啊，咿呀！咿呀！随后我下落床底下里向，嘿拿只物事下头拖了出来，摆了台子浪头，我，我还有根丫叉头睐，咦，好插辣嗨，搿丫叉头哦哦哦，当天线哦。还有两只圆个老鬼三我带了头浪向。”伊完全按照永不消失个电波啦！整个程序啦完全按照永不消失个电波啦。啊是？ “乃末我葛唠开始拍睐，我搿恁嘀嘀嘀嘀嘀嘀，后头一拍么来了哉。葛唠来了以后对伐我窗口高头看到了伊拉来呀。咿呀，我我飞机上头迭个美国飞行员只面孔我看得煞辣斯清。乃末我？？？变脱了，嘀嘀嘀嘀嘀嘀，我嘀嘀伊拉葛唠就到杨浦电厂去了。，后来就炸脱了。”造反派听听觉着勿对哦，伊讲。“周柏春啊，侬脱搿个李白是啥个关系啊？”“哦哟，勿瞒侬讲，李白是我同班同学啦。”乃末，哦哟，搿顿生活吃得了是要勿要了。造反派想侬白相我。老先生真个老罪过个。 阿拉滑稽界哦还有一个老有名个，但是过世了蛮早个，叫文斌斌老师。就是伊演小三宝的。哦，伊苦头吃足势哦。拨造反派哪能就是讲关了小房间里，伊是京剧武丑出生。生浪生浪向有功夫个侬晓得伐。乃末关了间小房间里向，呒没窗个，只有审讯个机关。有个造反派，一直提审伊，伊格造反派老坏个，是个苏州人。而且是个独龙眼。老凶个。伊哪能只眼睛啊？只眼睛老恶劣个。搿只眼睛哪能样子哦？我做拨娜看哦。就是独龙眼蛮难做个，侬迭个后头因为朋友看勿出，视频拿镜头拿上来。唉，侬焦距锁脱伊。好，好。我搿只眼睛搿恁哦，老吓人个。唉搿难做哦。我搿只也可以。还有搿种睐，呶人家人家弄眼睛侪迭恁介，我怪睐，我搿搭少脱根筋，我可以搿恁呶！ 讲讲到搿独龙眼有一只故事。