菲菲與你同遊 ～ 愛琴海之旅

嗨大家好 歡迎收聽 菲菲與你同遊 今日我噶旅遊故事主題係 ：希臘，愛琴海 仲記得當日係因為放低左一段感情，而想為自己單身慶祝，所以選擇左去希臘 愛琴海 係我去過嘅26個國家之中，希臘唔算是我最鍾意嘅一個，不過愛琴海的確係我最愛的一個景點。 一值聽聞 愛琴海有幾靚，都不如知己親身見證. 位於愛琴海上嘅一個島（Santorini），係世界旅遊一族嚮往的浪漫天堂，依山傍海嘅 純白屋舍、碧藍的大海、清澈的天空，構成左一幅幅如夢一般嘅畫，感覺就好似自己跌入左愛琴海，沉醉到無法自拔。憑著一身浪漫的異國風情，另外加上「全世界最靚嘅日落」美名，santorini 成為聞名國際的度假勝地。 Santorini 係愛琴海上嘅黑森林蛋糕 佢唔係好似人人想像的畫面，雅典的千年嘅遺跡，而是Santorini島上嘅藍頂教堂、同白色小鎮. 離遠遙望，呢座島就好似一個大大的黑森林蛋糕，建築別具特色。伊亞（Oia）嘅日落美景，亦曾經被CNN評選為世界上最靚日落之一，親眼見過的人，一定會畢生難忘。睇住它慢慢落入海平面，由黃色變橙色、由橙色變粉紅色，係海上畫出一條直紅線，足以令全世界的遊客陶醉。日落更將整個白色小鎮，添上溫暖的光采。當落入地平線嘅個一刻，遊客紛紛鼓掌拍手，謝謝它卑左我地一場完美的落日演出。 伴著世界最美麗的夕陽，跟住品嚐一餐世界最美味的愛琴海日落晚餐。 係 Santorini 唔使刻意去搵美景，因為每一個角落都是迷惑人心的美景；更加唔需時時睇地圖，因為就算隨心所欲地到處行，即便迷失方向，都是一種屬於愛琴海小島的隨性浪漫之旅。