介绍:
今天，小搞老师为大家带来了一则新闻，希望大家喜欢。
大家好，下面老师又来了！
今朝，我要搭大家讲一只新闻。
有一个小人，伊乃欢喜吃零食，薯片，饼干啊。。。
但是乃，伊欢喜辣盖床高头吃物事。吃的唻床高头侪是屑屑头！
伊夜到弗是睏觉了嘛，后头哦，一只蜈蚣到床高头来了！伊吃只屑屑头。
后头伊看到一只“洞洞眼”。(其实就是小朋友的耳朵)
“唉，我到搿里向去吃物事，好弗啦？”伊就钻进去唻！
葛末搿小人痒弗啦？痒嘛就要抓了，伊伸只手噢进去抓。。。
一记头！搿只蜈蚣发急了，一记头咬了一口！！！
乃末搿只小人一半个面孔肿起来了。
。
。
。
到医院里向，医生看了呆煞(呆住)咾！
医生乃，先拿一眼盐水，滴到耳朵里向去。畀搿只蜈蚣淹煞脱(淹死掉)。
后头乃，再拿一只老虎钳！。。。噢，弗对弗对！镊子！拿搿只蜈蚣夹出来。
葛唠讲啦，小人弗可以辣盖床高头吃物事。一定要蹲辣台子高头吃(在桌上吃)。
好！今朝搿只新闻就讲到搿搭了，大家晓得了伐？再会！
大家还在听
