做人冇公关？寸步难行

做人冇公关？ 我叫阿Anna，你上一期讲到咧，贵人系要经营嘅。我最近遇到一个case，想你同我分析一下。我哋公司有一个经理，佢唔系同我同一team嘅，但系我平时有同佢一齐落班倾偈咁样，大家都几熟下嘅。因为我哋主管落咗班就搵唔到人，所以我有问题咧，我经常会问佢。 前两日咧，我有个客佢问我啲问题，我唔知点答，我截张图就掟过去俾佢，我话个客系做乜嘢嘅。然之后，佢过咗一段时间先复我，佢复我咧，就同我讲话呢，张单收硬啦，仲话我知喺边度去搵一啲案例话术复翻个客，跟住我咪直接同佢讲咯，我话我系问你应该点答个客嘅问题。 然后过咗十几分钟佢先复翻我，然之后，佢就发咗一段话术，搵咗一啲案例俾我。但喺嗰阵我已经复咗个客，虽然我知道我回复得冇佢咁专业，但喺我真喺如佢所讲，开咗张单。开咗之后咧，我就发咗个大笑表情俾佢。然之后佢就话恭喜你收咗张单，我问佢点知我收咗单，咁佢就同我讲，佢话睇个聊天记录咧，知道张单一定可以收。然之后话觉得我有能力可以handle得到呢张单。 佢话呢，张单其实根本就唔需要人帮助。我完全可以收嘅，跟住我冇复佢，我冇睇到手机，我过咗一阵我先复翻佢。我话都喺靠你，如果有的选，我肯定去你嗰组，然之后佢就冇复我啦。之后嗰几日我再搵佢，佢好似都冇点样理我，好似唔系好想同我倾偈咁样，跟住我又嗰日听咗你嘅节目话要识得感恩。然之后我就考虑到会唔会因为佢觉得，我唔系一个识感恩嘅人，所以我琴日有试过约佢食饭，佢话唔得闲。我唔知系唔系我做错啲乜嘢，令佢觉得我系一个唔识感恩嘅人，又唔知系咪我谂多咗。你觉得咧。 回复：你唔使问我觉得呢句说话啦，一定系啦，去到呢个阶段咧，我一阵先同你讲点样补镬啦。 我真系唔知你个人系因为坦率啊，定系真系情商低，好客观嚟讲，如果你个case唔系咁match我上一期节目嘅话，我可能都懒得理你。你太直接啦，喂，你真系一啲礼貌都唔识噶喎，都好似唔识尊重人，觉得全世界欠你咁样，咁理所当然噶喎。 你求人你直接掉个截图话个客做乜嘢，你唔使讲嘢嘅咩，你唔使讲唔该嘅咩，你唔使讲我想知个客应该点样回复啊，你系咪应该讲下啲嘢，喂，人哋欠你噶，佢唔系你嘅leader嚟噶，所以佢点解要帮你啊？纯属喺因为你哋平时有两句咋，做人唔可以因为你觉得对方关系好就完全冇晒礼貌，毕竟你喺求人嘎。就好似你向我求助咁，都喺直接了当咁表达你嘅诉求，问候语都冇句，啲截图喺咁飞过黎。 我讲真啦，佢隔咗咁耐先复，系咪冇睇到咧，定系睇到唔想理你咧，人哋出于礼貌同你讲张单收硬，如何这般，而冇直接帮你回复客户嘅问题，言下之意即系话你可以自己做啦，你唔使搵我啦，仲同你讲埋喺边度问资料同话术，意思叫你自己执生，佢唔想理你，人哋真系已经好婉转嘎啦，难道佢睇唔出你张截图想表达咩吗？我作为行外人都知你想点啦，佢做经理点会唔知啊？ 你仲要直接嚟一句，我系问你个客应该点样复。乜你点解可以咁理直气壮嘅咧，佢喺唔喺欠钱冇还，所以你觉得呢啲喺应该嘎。 我真系觉得你个同事已经系无话可说噶啦，咁都帮你回复咗个问题，仲揾埋话术资料俾你收埋张单。退一万步，哪怕你觉得佢举手之劳，或者你冇用佢嘎话术收单，人地都帮左你，哪怕冇功劳都有苦劳啦，做人真系唔系奉旨嘎。 你收到之后你就发个表情包，你个人真系咩都唔讲，你真系得噶你。换转系我，可能我已经拉黑咗你噶啦。除非你真喺好靓女，你又知道自己靓女，有恃无恐，咁你又真喺可以放肆啲嘅。呢个世界对啲靓仔靓女一路都好包容嘎。 你听下人哋讲嗰句咩说话，佢话，张单你根本都唔需要人哋，你自己就可以handle得到。佢意思即系你下次唔使搵佢啦，有咩事你自己搞啦。 仲问人哋点知你开咗单，喂你求人哋办事，人哋帮咗你，你开咗单你唔应该第一时间去多谢人嘅咩，仲要人哋嚟估，仲要问点知。你个人真系好嘢。 OK，我直接植入主题啊，你请人食饭，人哋梗系唔去啦，你过咗咁多日，你先嚟到搵人。好无聊啊，人哋如果去就会觉得好丢架，做咩啊，即系觉得人哋差你餐饭啊，系咪啊，咁佢唔去系咪好应该啊。呢个时候你就唔应该问佢要唔要食饭，或者我请你食饭，如何这般，你会令到人哋觉得你好低能。 我同你讲，你当下唯一嘅办法就系买一份小嘅礼物送俾佢，唔好太贵，亦都唔好太cheap咁，至于买乜嘢你自己用脑，因为我都唔系欠你嘅。系咁，拜。 补充一点，大概率我会更新付费节目，个人建议唔好盲目消费，点解会有付费节目？一来付费节目嘅内容肯定唔适合广泛传播，可能因为内容敏感，亦可能某些必杀技，不太适合大众使用；二来，由于含金量比较高，信息收集成本都高，分享都需要回血嘎，我唔喺做善堂嘎，知识付费势在必行嘅；三来，我都想知道我做紧呢件事情有几多有价值嘅嘢。总而言之，真喺建议慎重消费，你要睇个话题有冇兴趣，仲要喺学到之后你可唔可以用，道理同方法我哋听得太多啦，而做到嘅甚少，所以冇乱簁钱，ok。