介绍:
同学仔！你哋好啊！我系飞叔！我相信疫情之后啊，各位都会顺风顺水，简直就系“掂dim6过gwo3碌luk1蔗ze3”(繁体字：掂過碌蔗) ！ 关键词一个字“掂”，“掂”字点解？据《广东省土话字汇》里面嘅解释系“直”嘅意思，后嚟引申为“完结或状态绝佳之意”。我哋将个“掂”字拆开嚟睇，大家都睇倒啦！手头揦住一间店，梗系“掂”啦，加埋一橛又直又甜嘅蔗，咁都仲唔系人生赢家？“掂过碌蔗”系广州话俚语,字面意思系运气比橛蔗仲要直,实际意思系表示事情嘅进展非常顺利，亦都可以形容一个人非常完美。系呢度，飞叔祝大家事事顺利马到功成，千祈唔好搞到“大虾跌落海，到底都唔掂”啊！
大家还在听
