[讲D野比你听啊]我哋同我哋嘅美食

感谢收听,期待你对本期节目的评论留言哦～ 记得以前，广东大街小巷都有士多 嗰啲士多虽然简陋、隐蔽， 但系感觉就系满满嘅回忆， 每次坐住攞住汽水都好有感触。 有时候赶住走就会用白色胶袋装起嚟饮， 时间过得好快， 对于我哋从小喝到大嘅汽水你又了解几多呢？ 有一种珠三角集体回忆叫做亚洲沙示 相信喺好多珠三角街坊嘅回忆里， 喝嘅汽水唔系可口可乐， 亦都唔系百事可乐， 更加唔系各式各样各样嘅进口饮料， 关于饮料嘅回忆， 大概就只记得佢， — —“沙示” 广州作为一个重要港口， 新鲜事物总会先“收入囊中”， 19世纪初，广州引进呢种墨西哥汽水， 佢第一次出现并唔系喺士多， 而系出现喺药房！ 而且仲标榜住清热利尿祛感冒嘅良药。 凉茶一直系广州人嘅标配， 有“洋凉茶”称号嘅沙示无疑会受到广州人嘅喜爱， 迅速进入市民生活， 并以一种新口味替代凉茶， 据说，当年只有上层阶级嘅人先可以饮到。 沙示其实以墨西哥菝葜为原料嘅碳酸饮料， 菝葜具有驱风、发汗、利尿、解毒、净血等功效， 被墨西哥人视为消热解暑佳品， 后来，广州生产嘅沙示改用梅叶冬青， 同样有消暑解渴、发散风热嘅功效， 据说，沙示嗰阵风油味， 就系由佢散发出嚟嘅！ 一入口，完全可以体验到： 风油精、红花油、薄荷牙膏、牙膏、 漱口水、皮炎平......各种味道混杂。 （哈哈哈哈哈） "佢，够气够味" “点止汽水咁简单” “有我咁好气，冇我咁长气；有我咁长气，冇我咁好味。” 呢个广告口号对于80后嚟讲，简直耳熟能详， “亚洲”主导产品有沙示、橙宝、碧柠三种口味， 一直以“够气够味”享誉市场。 更获得“广东省十大名牌饮料”称号。 “沙示饮五啖，嗝气两小时” "经历光阴70年" 亚洲汽水厂系广东省生产汽水历史最长嘅企业， 1946年2月就喺广州大德街80号扎根成长。 沙示就系咁样进入咗广东市场。 眨眼间，沙示已经喺广东繁衍70年！ 难怪好多人对于亚洲汽水厂嘅记忆甚是泛黄， 当年中国8大汽水厂， 就剩低佢。 几多人嘅童年充斥住当年嘅士多情结？ 童年一支汽水，就已经带来好大嘅满足 沙示味道虽然怪异， 却充斥好多属于广东人嘅回忆。 依家搵返间士多，叫返支沙示， 透过一支小小嘅玻璃樽， 你又可以记得返几多属于你嘅儿时回忆？