介绍:
« Amu Min »
Muziko Ĵomart Amzeyev
E-teksto Mikaelo Bronŝtejn
Kantas Ĵomart kaj Nataŝa
Teksto:
Mi ne kuraĝas tiom peki
Pli bonon de l´destino peti
Ĉar multon jam donacis ĝi
Mia destin kaprica damo,
Mi vin ne trompis en iamo
Do amu min, dum vivas mi
Dum restas forto en la brako
Por levi glason da konjako
En mia bona kompani', -
Al vi vojaĝas mi pilgrime,
Al vi mi preĝas proze, rime, -
Do, amu min, dum vivas mi.
Refreno, 2-foje:
Do amu min, dum vivas mi
La ĝuo de kantad' senzorga
finiĝos morgaŭ aŭ post morgaŭ Kvazaŭ fantoma iluzi'
Al mia voĉo sur kasede
vi gapos pigre kaj oscede,
Do, amu min, dum vivas mi.
Ah, mia sinjorin' aminda
Kunigis nin okazo blinda
Ĉu la komprenon donos Di'
Ke foje flugos ni fantome
Sen eblo kuni korpe, home?!
Do, amu min, dum vivas mi.
Ĉu nur ĉagreno ironia,
Aŭ pura am' en iro nia
Kion en viv' mi volus pli?
Ke daŭru plu la samaj strioj
De festoj miaj, plagoj miaj
Do, amu min, dum vivas mi!
★
Ĵomart kaj Nataŝa estas muzika duopo, kiu kantas en Esperanto melodian,foje romantikan, muzikon.
La duopo kreiĝis en 1985 en Ŝimkento, Kazakstano kiam Ĵomart renkontis
Nataŝa-n en lernejo kie li instruis Esperanton. Ili geedziĝis en 1991,
kaj transloĝiĝis al Svedio, kie naskiĝis en 1995 Karina, ilia filino.
Ĵomart ludas gitaron kaj kantas, Nataŝa kantas kaj ludas fluton,
Karina ĉarme kontribuas...
大家还在听
