世界语歌曲 Malantaŭ la kurtenoj {木偶戏} (附歌词) » el la kompaktdisko Procesio multkolora de Kajto
« Malantaŭ La Kurtenoj »
Teksto Nanne KALMA
Muziko Nanne KALMA
Kantas Kajto
Teksto:
★
Tuj kiam eksonas la muziko denove ekstaziĝas la publiko
La pupoj sin prezentas, jen silente, jen temperamente
Per la magio de siaj marionetidoloj sorĉinfluiĝas la popolo
La pupoj ĝin kondukas al tranco, per impeta danco
Ne gvidate per la trupa veterano
Ne direktate per lia virtuoza mano
La kunludistoj demonstras kun certeco sian kapablecon
Kun sento de respondeco sian kompetentecon
Sole sidante malantaŭ la kurtenoj
Allogate per kresĉenda ĝojkriad'
Rezistas la ludisto de la renoma arlekeno
La deziron sin manifesti per denova pupludad'
Post la spektakla apoteozo, post la finala grandiozo
La spektantoj tute impresite postrestas imponite
La artistoj siavice kontentigite adiaŭas kortuŝite
Sole sidante malantaŭ la kurtenoj
Allogate per kresĉenda ĝojkriad'
Rezistas la ludisto de la renoma arlekeno
La deziron sin manifesti per denova pupludad'
(Refreno 2-foje)
★