精心❤010、學心日記：一隻貓嘅獨白

欢迎咨询粤语【付费VIP】学习班级，咨询请加QQ：1171503989【学心老师】，非诚勿扰！ 《學心日記：一隻貓嘅獨白》 頭曲：《哆啦A夢》陳慧琳 我係一隻貓，我叫糖心貓貓。我嘅星座係大家諗都諗唔到嘅第十三星座，我自己為呢個星座改咗一個好趣致嘅名，叫萌貓座。係咪突然之間，覺得我都變得萌萌噠呢？ 我係一隻貓，我嘅偶像叫做叮噹貓，呢種稱呼，喺香港同埋台灣都好流行，而大陸稱為阿蒙，機器貓，而真正嘅日本譯名，喺作者藤子•F•不二雄去世之後，統一使用本來響亮嘅名哆啦A夢。佢有圓碌碌嘅身體，佢有百寶袋，佢可以變出各種稀奇古怪嘅神奇道具，佢中意食豆沙包，佢系嚟自未來世界嘅貓型機器人。雖然佢嘅正名叫哆啦A夢，不過我更加中意叫佢叮噹貓。 我係一隻貓，一隻獨立嘅貓，我從細細個開始，我都中意獨立完成每一件事。例如做作業，我唔中意問同學仔，每一次都係靠自己突破難題，然後同學仔嚟問我，好多時候，我都覺得係一種驕傲。 我係一隻貓，一隻“無依無靠”嘅貓。可能係因為我喺屋企喺老大，我喺班級系老大，我喺任何情況，我都係一個“老大”嘅角色，無依無靠，必須依靠自己嘅時候，我會畀自己好大嘅壓力。 我係一隻貓，一隻有壓力嘅貓。有時呢種壓力可能係動力，驅使我完善我自己，帶領我身後嘅呢班人，有時呢種壓力可以摧毀我，令我陷入一種萬劫不復嘅惡性循環。我要把握呢種“壓力”。 我係一隻貓，一隻善於化解問題嘅貓。有壓力，就有問題，有問題，就需要化解。點解我要用“化解”呢兩個字呢，只系因為我覺得“問題”就好似一個結，打開呢個結，一切就迎刃而解。 我係一隻貓，一隻孤獨嘅貓。我有時喺人群裡面嘻嘻鬧鬧，喺大家面前扮嘢，而事實上，喺入睡前嗰個時候，喺夢裡面嘅時候，喺清晨瞓醒嘅嗰個剎那，我都會有一瞬間感覺到獨孤，一個人。 我係一隻貓，一隻冇錢都任性嘅貓。我中意嘅時候，我開心嘅時候，我可以同大家傾多幾句，我可以唱歌畀大家聽，我可以滿足大家嘅要求，但系我唔中意嘅時候，我唔happy嘅時候，麻煩大家唔好惹我，否則後果自負。 我係一隻貓，一隻有性格嘅貓。如果妳頂得順我嘅脾氣，就一直用妳嘅寬容嚟愛護我，呵護我，我會用十倍百倍千倍，保護妳，守護妳；如果妳唔中意我，我都唔會畀妳喺我嘅世界裡面，逗留一分一秒。 我係一隻貓，一隻自尊心好強嘅貓。自細我都有好強嘅自我反思嘅能力，如果妳唔認識我，如果妳唔中意我，請妳唔好假惺惺噉對我給予評價或者建議，我唔允許陌生人對我評頭論足，因為妳唔知道我有幾咁努力，付出幾多，妳亦都唔知道我私下不斷反思，不斷改善。 我係一隻貓，一隻醜樣嘅貓。我希望大家唔好因為我嘅樣貌而中意我或者討厭我，因為樣貌會隨住年歲增長變型。所以我更希望大家系因為我嘅專業教學而中意我，我相信我會越嚟越專業，成為呢個領域嘅標桿，我都希望大家係因為我小小嘅才華而中意我，懷才就好似懷孕，時間會證明一切，我都相信呢啲小小嘅才華，會令我變得更加完美，更加吸引大家，更加散發光芒！ 我係一隻貓，一隻善良嘅貓。身邊總有好多有錢過我，靚女過我，好彩過我，有天賦過我嘅朋友，我真係好羨慕佢哋，但係我唔會因為羨慕佢哋而惡意中傷佢哋，喺背後講三講四，我真係衷心噉祝福佢哋，因為我知道佢哋得到嘅呢一切，都有佢哋不為人知嘅心酸歷程，都係充滿血同埋汗。佢哋嘅存在，正正係鞭策我更加努力，因為我相信，有一日，終於有一日，我都會成為佢哋羨慕嘅對象。俗語都有話：唔使日日褲穿隆，終須有日龍穿鳳。 我係一隻貓，我叫糖心貓貓，有時我只係無病呻吟，有時我只係感懷世態炎涼，有時我只係自言自語，有時我只係因為好耐冇寫作！ 尾曲：《超級小黑咪》陳慧琳 《學心日記：一隻貓嘅獨白》