教学❤朗读第1期第1课《我的祖国》

欢迎咨询粤语【付费VIP】学习班级 学心老师的微信公众号：hok-sam 课件在【微信公众号】，同步更新。 粤语文字表达，不配国语翻译。 推荐歌曲： 汪明荃《勇敢的中国人》 第一课 我的祖国 "为有牺牲多壮志，敢教日月换新天。"呢一句系我哋嘅伟大领袖毛主席留低嘅豪言壮语，里面包含咗革命斗争嘅艰辛同埋建设祖国美好未来嘅坚定理念。 毛主席讲得啱。试谂下，响旧社会，我哋嘅祖国破败凋敝、民不聊生，经过一代又一代先辈，不惜抛头颅、洒热血，前赴后继嘅奋斗，先至终于令到人民民主专政嘅中华人民共和国得以成立。全国人民真真正正翻身做咗主人。 虽然，之后中国嘅发展道路并唔平坦，经历咗唔少弯路。不过自从十一届三中全会以嚟，中国嘅经济发展总算系走上咗正轨，人民嘅生活水平亦都有咗稳步嘅提高。呢啲同共产党嘅努力分唔开。 而家社会上，虽然仲系存在唔少问题，好似“就业难”问题，“治安”问题，“社会福利制度唔完善”问题，等等。但系面对呢啲问题，我哋唔能够净系得个“怨”字，要一齐努力着手去解决佢。 家下，好多人都谂住出国定居。其实，祖国先至系自己嘅根。即使外国嘅月亮真系比中国嘅圆，但佢却少咗嗰份亲切，嗰份令人眷恋嘅味道。只有齐心协力，一齐落力建设祖国，使祖国繁荣起嚟，先至系上上之策。 我相信，只要十三亿人民一条心，就冇咩嘢系解决唔到嘅。响我哋嘅努力建设之下，我哋嘅祖国亦都会变得越嚟越富强，越嚟越美好。