介绍:
有一只笑话：一家人家屋里厢养了一只猫脱仔一只狗。主人对伊拉侪唠好个。有一天日里厢，太阳邪气好，狗狗脱仔猫猫侪勒啦孵太阳。狗狗趴勒拉地浪向，依勒拉想：主人正好，他岩板数是我个上帝。唉只猫
搿个辰光也勒拉想心事，依伸了伸懒腰，觉得日脚过得邪气适意，她想：主人对我搿恁介好，我一定是依个上帝，葛唠依对我介好。
交关人侪晓得，猫脱仔狗是合不来格,只要勒拉一道就要吵相骂,老少看到猫脱仔狗会得勒拉一道太太平平过日脚格。听讲搿是因为猫脱仔狗相互之间呒没办法正确表达思想。打个比方，狗看到猫个辰光会摇尾巴来表示友好,但是猫认为狗摇尾巴是对它说：“弗欢喜侬,侬帮我死了滚!”.相反猫拿尾巴挑起来是表示友好,勒拉狗个世界里向尾巴举起来是要打相打。怪不得,几趟下来,猫脱仔狗一碰到就弗开心。
日常生活经验表明,猫会精心喂养自己个小猫,狗也会得照顾自介个小狗.狗和猫侪会得向主人表达自介个愿望,也侪会叫醒火灾中困着勒个主人，想办法拿主人脱仔自介救出去。猫脱仔狗侪对主人有着一种依依不舍的关系,只弗过伊拉个表达方式不一样。比如,猫会拿依捉到的老鼠带到主人个面前表功,而狗狗则是勒拉主人个身旁不停地转来转去.如果想屋里厢，伊拉弗管到了啥地方,侪会寻到回屋里厢个路,葛唠就有搿恁介一句闲话——“狗记路,猫记屋里厢,小人只记吃奶个姆妈”
科学家发现狗会不讲条件地执行人发出个指令,葛唠狗比较适合进行技能训练；猫弗一样，依老精怪个，依先要做出理智个判断分析后才会采取行动,依弗会侬叫伊做啥以久做啥。狗是可以被训练的,可以按照人的指令行动；而猫则是想尽办法按理性思维,而不是按照人的指令行动。猫脱仔狗对位置个判断个准确性基本浪向差弗多.别过,猫个活动空间是立体的——为啥啊？因为它会得爬树.猫脱仔狗个大脑个发展程度不一样,狗个大脑比猫大一倍,别过猫个小脑要发达得多.结果猫脱仔狗个智力水平基本相当.
猫特别欢喜干净，基本浪向侪自介搞清洁卫生，搿个呢狗狗要向猫学习。猫还会得捉老鼠。猫比较安静。听讲老虎个本身侪是从猫搿搭学来个。别过，猫留了一手，呒没教老虎哪能爬树。老虎油本身后，想吃猫，结果猫逃到树上去了。
别过呢，我老早一个朋友屋里厢同时养了一只狗脱仔一只猫。猫脱仔狗倒是和平相处。狗每日日里响脱仔人等了一道。猫只要一有好太阳就勒拉太阳底下困觉。到了夜里厢，狗就勒拉门口看门，只要是弗认得个人，它就叫个不停，吓得人家马上跑开。如果是熟人，依就摇摇尾巴，有辰光还蹭勒熟人的腿表示友好，但不管是弗是熟人，依从来只是叫，不会张开嘴巴咬人。狗不管吃啥侪来三，不讲究。只要吃饱肚皮就可以。猫呢一到夜里厢就出去白相，到早浪向再回来。猫就是欢喜白相，猫还讲究吃，每顿饭要有鱼汤，没有鱼汤它就喵喵格叫，看老侬，尾巴往高头翘勒嗨，侬有辰光弗睬依，依就跟勒拉侬后头叫个不停。侬骂它：有老鼠辰光侬为为啥不勒拉屋里厢，为啥对吃倒噶讲究呢？依好象听得懂人个言话一样，老长时间也不出去，直到拿屋里厢个老鼠捉光脱依才出去白相。
我也养过一只猫。一个朋友告诉我搿是一只雌猫，要做绝育手术。我就送到宠物医院里响做绝育手术。结果老刮三个，我勒拉上班个辰光，宠物医院打电话来，讲我只猫实际浪向是只公猫。这就成为了一只笑话。后来阿拉搬屋里厢个辰光，拿搿只猫送拨了朋友，包括猫个家具脱仔房子。前头两年，我还每年去看猫，要我朋友对猫好一眼。别过，猫记性弗好，依好像记弗得我了。
最后讲只猫个笑话。一只猫碰到一只老虎，吓了一跳。依想，基因突变啊，搿只猫那能介大啊。唉只老虎看到猫，也吓了一跳。依想，现在的世道哪能搿恁介了，噶小个老虎就大肚皮啦。
最后以一段绕口令结束今天的内容：“庙里一只猫,庙外一只猫。庙里猫咬庙外猫,庙外猫咬庙里猫。勿晓得到底是庙里猫咬庙外猫,还是庙外猫咬庙里猫”
大家还在听
