广播39 勿要考验人性(1)

勿veh=不；勒拉=在；覅=别；个=的；立=站；交关长辰光=很久；脱=和；下半日=下午；小人=小孩；屋里=家；伊拉=他们；畀=给；别过=但是；介多年来=这么多年来；侪=都；搿=这；唉=那；觉着=觉得；哪能=怎么；头头转=团团转；钞票=钱；下趟=以后，下次；里向=中；晓得=知道；寿噱噱=傻乎乎；搿恁=这样；揩油=贪小便宜；老举=能干在行；豁翎子=暗示；刮三=怪异；退灶私=丢脸；忙得勒臭要死=忙得要命；么事=物，东西；买么事=购物； 勿要考验人性 　　（新加坡）王文献 新民晚报 2015年05月26 　　朋友夫妻两个人忙得勒臭要死，女佣也跟了伊拉交关长辰光，算是靠得牢。为方便女佣买么事情脱下半日放学辰光接小人放学回屋里，伊拉畀了女佣一张银行卡、一张车资卡。 　　银行卡个使用情况，网浪银行有详细记录，勿会有啥问题；比较麻烦个是车资卡，用个地方侠气多，别过没办法查到相关个使用记录，介多年来，侪靠女佣自觉。 　　勿长辰光以前，朋友勒拉手机浪下载了一个软件，可以监控3张车资卡个使用情况，包括女佣手里向个哎张。伊个朋友建议伊趁搿个机会检查女佣是否诚实，有勿有揩油 。 　　朋友开始觉着搿个想法交关好，别过伊做人蛮老举个，伊仔细一想，又觉着搿恁寿噱噱个去问也勿好，伊豁翎子畀女佣讲，车资卡个使用将会脱银行卡一样，有详细记录，随时可查。 　　朋友个搿个做法侠气聪明。人性有辰光是经勿起考验个，如果晓得女佣滥用车资，搿也老刮三个，接下来要哪能办？拿伊辞退脱？ 屋里向每个人侪得头头转，幸亏有女佣帮忙打理家务，日常生活才得以交关好个运转；把她训斥一番，让她赔出钞票来，教训伊下趟勿要再犯？搿也退灶私个，原本良好个雇佣关系必然出现裂痕…… 　　人性经勿起考验个例子又何止搿一桩？简直比比皆是。最经典个例子是，有女人自信心爆棚，让貌美如花个闺蜜去引诱自家名利双收个老公，结果可想而知。搿故事勿一定是真个，但反映个却是真实个人性。 　　丹麦著名医学家、诺贝尔奖得主芬森曾江过：“勿要立勒拉道德个制高点浪俯瞰别人，也永远覅去考验人性。” 　　唐朝太宗也曾毫勿犹豫地拒绝过下头个人要他假装发吼试探群臣个建议，他认为，君臣之间应该光明正大，勿能用欺诈方式考验臣下。 　　交关多人勒拉年少轻狂个辰光，都曾自以为聪明地去考验过友情，考验过爱情，甚至考验过亲情，结果发现，凡涉及人性，就没有什么是经得起考验个。 　　“凡事勿可太尽，否则缘分势必早尽。”交关多辰光，给别人留余地，就是给自己留余地。