广播41 勿要考验人性(3)

就好像=犹如；浪=上；葛唠=所以； 勿要考验人性(2007-04-09 10:38:11) 有一眼人总愿意考验别人，用一眼手段考验周围个人是否忠诚，是否可以信赖，以便决定如何脱伊相处，哪能脱伊共事。考验人是有必要个，别过，要记牢，考验人只好考验人格，千万勿要考验人性，如果考验人性，不管考验有多少次，哎个结果总归只有一个——让侬以失望告终。 字典浪对“人性”一词个解释是：人性是指人所具有个正常个感情脱理性。是勒拉一定个社会制度脱一定个历史条件下头形成个人个本性。对“人格”一词个解释其中有一条是：人格是指个人个道德品质。人性是人个本能，是与生俱来个，就好像狼要吃羊，猫要吃老鼠一样，搿种天性是不容易轻易改变个。而人格是后天修练个，勒拉一定个条件下是可以改变个。 有一本杂志报道过搿恁一桩事体：有一个女人想考验男朋友对自己忠不忠诚，葛唠叫一个要好个女朋友去勾引自己男朋友，伊安排男朋友脱女朋友经常单独相会，经常单独勒拉一道，一来二去，勒拉女朋友个不断挑逗下头，伊个男友没能摒牢……搿种考验其实不是对人格个考验，而是对人性个考验，其结果勒拉考验付诸实施辰光，就已经有了。人对物个追求是无止境个，贪婪是人个本能，勒拉极大个诱惑下，人性会显得苍白无力。 考验人只好考验人格，绝对勿好考验人性，考验人性，就是向人性挑战！