介绍:
汏 Da
【释义】就是“洗”个意思啦，读音搭“大世界”个“大”有眼像。洗手不叫洗手叫“汏手”，另外还可以叫“汏衣裳”，“汏头”。
覅 Fiao
【释义】覅=不要。读起来其实就是拿“伐要”两个字连读。小朋友们撒娇个辰光会讲：“我覅吃”；“吾覅去读书~~”别过搿恁介撒娇并呒没啥卵用，爷娘通常会回侬一句“勿可以~”！
勿Feh
【释义】勿=伐要。上海闲话里向用来表达“不要”搿个意思个词还真个不止一个，别过搿眼词里向侪有微妙差别，举个例子：勿，一般用于主动表达一种计划；而“覅”则表达，当别人询问，或要求辰光个否定。“我今朝勿去超市了”搭“我今朝覅去超市了”，弄能体会其中微妙个情感差异嘛？
捺 Na （正确个正字是单人偏旁右边加“那”）
【释义】捺（第二声）=你们。注意和“侬”个区别，“侬”辣辣上海话里向只用来指“你”，而“捺”，则单指“你们”。上海闲话中个“捺好”，就是“你们好”个意思
伊 Yi
【释义】第三人称单数，他或者她。
囥 Khaon
【释义】囥=藏，阿拉经常会讲个是“压岁钱囥囥好”。
忒Te
【释义】忒=太，比如“我太开心了”辣上海话里向，就讲成“我忒开心了”。
烊Yang
【释义】烊，是融化个意思。一般热天个辰光小人吃冷饮，家长侪会讲“快眼吃，慢点烊脱了”。
恘Qiu
【释义】小辰光上课，老师如果讲一个男小歪勿灵光，会用“料老恘个”来形容！就是搿个小人很难脱伊讲道理个意思。
掼Guan
就是扔个意思。比如：掼浪头，掼派头
潽Pu
【释义】液体沸腾溢出。水潽出来了。
两Liang
【释义】两搿个字绝对辣辣上海话里向是王者，为啥搿恁介讲呢？原因只有一个，哎个就是伊个读法忒多啦！222用上海话要读成“两百廿尼”，3个2没有一个是相同个读音，想想也是醉了！写起来不难，理解起来真是难得要人命啊！
大家还在听
