介绍:
第一部分：学习上海词汇
几钿=多少钱；
镪一眼=便宜一些；
一眼眼=一点点；
讲=说；
趟=次；
呒没=没有；
搿恁=这样，如此；
闲话=话；
勿=不；
伊拉个西瓜老镪个，侬个西瓜忒贵了，镪一眼好伐？我个西瓜一眼眼也勿贵，勿好再镪了。好好好，搿趟我畀侬镪一眼。我搿趟勿去白相了。侬到我屋里向去白相过几趟啊？一趟也呒没去白相过。侬哪能搿恁讲闲话个。
第二部分：上海话童谣
从前有个老伯伯，
年纪活到八十八，
辣嗨八月八号，
早浪向八点钟，
乘了八路电车，
乘到八仙桥，
吃碗八宝饭，
铜钿用脱八块八角八分
第三部分：上海闲话俚语个历史典故
“翘辫子”个来历，听讲脱仔老上海个电车有关。旧上海马路浪向跑格电车侪是有轨电车，下头有铁轨，高头有电线，车子个动力侪靠电车头浪向个小辫子，搿种电车勒拉新上海交关长一段辰光里厢还保留勒嗨。电车弗大有出轨个事体，别过。电车头浪向个小辫子脱落下来倒是常庄发生个事体。车子开到半路浪，小辫子辣末生头跳脱勒，电车就趴了唉面搭，一眼也弗会动了，侬讲刮三伐。搿恁介呢，车子浪向个上海人就发牢骚勒:“要死了，小辫子落脱了。”“落脱了”，就是讲电车浪向面个“小辫子”翘起来了，翘辫子，也就是死脱了，动弗了勒，完结勒，一脚去了。大家清爽伐？！
例句：埃个家伙长远勿见，估计已经翘辫子了。
大家还在听
