广播专辑 顶呱呱上海话基础课程 预备课(3)

第一部分：复习（省略） 第二部分：上海话词汇 搿=这： 搿个， 搿眼 = 这些， 搿眼钞票送畀侬 搿腔 = 这段时间 搿腔我老忙个 搿搭 = 这里 搿搭是我屋里向 搿张支票， 搿本书； 搿恁（介）=这样 侬哪能搿恁讲闲话个。 畀=给； 搭=搭仔=和； 我搭侬一道去。 一道=一起； 覅=勿要； 一介头=一个人； 葛唠=所以；乃末=这下子； 例句： 搿眼鈔票放辣辣侬唉搭好伐？ 还是搿恁介好， 钞票摆辣辣我自家搿搭，覅摆辣辣侬埃搭 钞票摆辣辣我自己搿搭，覅摆辣辣侬唉搭 我搭仔小王一道去苏州白相。 领导搭我讲，要我搭小王一道去苏州。老婆问我今朝夜到我搭啥人一道吃饭 我覅搭小王一道去苏州，我要一介头去。 侬覅畀我钞票呀，我有钞票个。 伊哪能是搿恁介坏个人啊？ 啊呀呀呀呀呀，乃末搿记阿拉要吃苦头了。葛唠老话讲得好，勿听老人闲话，吃亏辣嗨眼面前。 乃末完结了，我帮勿了侬忙了。葛唠侬只好靠自家了。 我搭娜一样，侪是大学生 搿搭个书我侪送畀农 第三部分：童谣 侬姓啥？我姓黄；啥个黄？草头黄；啥个草？碧草；啥个笔？毛笔；啥个毛？三毛；啥个山？高山；啥个糕？年糕；啥个年？1999年， 搭娜姆妈吃碗肉丝面！ 第四部分：上海闲话俚语个历史典故 十三点。 上海女人骂人，特别是两个上海女人对骂，常庄会得听到伊拉互相骂对方“十三点”。十三点是上海人专门用来骂女人格。闲话讲转来 ，勒拉一眼特定个地方，十三点也可以用来骂男人，别过一定是因为搿个男人有眼娘娘腔，或者弗男弗女，搿个男人不像男人。比较“ 正宗”个“十三点”用法是可以脱籽另外一个词掉勒用格：交际花。“十三点”是由英语个 society一词演变过来格。开埠之初个上海 ，传统个上海女人是看不惯唉眼勒拉交际界（society) 混格女人。洋泾浜英语拿搿眼女人混迹个地方叫作“society”，对于需要一个 译音个大多数不懂洋泾浜个人来讲，上海话里个“十三点”就邪气贴近勒，又好记。因为洋泾浜英语是自说自话个，葛唠欢喜开玩笑个 上海人就拿搿种交际界个译音干脆作为勒拉当中混日脚个女人个代称。十三点也就慢慢地变成了骂女人个专用词。辰光长了，上海人就 慢慢格忘记脱了十三点个本来意思，会拿十三脱仔点分开，简化格骂：“十三勿啦？”干脆省脱勒“点”。勒拉现在，十三作为一个专 门攻击女人个名词，已经远远离开了伊老早个原来个意思。随便一个让人家讨厌个女人侪可能畀骂成“十三”，“老十三”，“小十三 ”唠啥。 搿个小姑娘有眼十三点嘻嘻个，脑子一眼也拎勿清。