广播专辑 弄堂茄山胡18 猴年春节特别广播：顶呱呱向大家拜年

祝愿侬：赚钞票像孙悟空，财富连牢仔翻跟斗;过日脚像如来佛，好运逃勿脱手底心 恭喜恭喜新年到， 弄堂里向老热闹。 阿大阿二氽花生， 老三老四摊蛋饺。 初一早浪吃春卷， 小八腊子穿新袄， 看见长辈问声好， 拿仔交关红包包。 我从黄浦江里撩出财水，从徐家汇买来了时髦，从新天地拿来了腔调，从甜爱路搬来了幸福，统统侪是为了送拨侬！ 天气预报：㑚屋里向，从今朝夜到头到明朝，白天仔落人民币局部有金条，中浪向倾盆美元转欧元，并有零星支票，气象部门提醒侬戴好头盔拿起麻袋准备发财，新年提钱快乐！ 我祝侬辣辣新个一年里向：美格里人民币铺出铺进，卖相身材弹眼落睛，日脚过得越来越扎劲！ 勿要动！侬已经被好运包围了！奥扫拿烦恼抛脱，向快乐服帖。判决没收侬所有个嘲叽叽，额骨头碰到天花板一辈子，请大佬官监督执行！ 猴年到，新年好，小八腊子哈哈笑。 穿新衣，戴新帽，弄堂里向放鞭炮。 大年初一忙拜年，红包拿了勿勿少。 看灯展，逛庙会，还要白相城隍庙。 初四夜里接财神，炮仗响了一通宵。 正月十五闹元宵，乃末春节算过好。 猴年健康顶重要，恭喜恭喜大家好。