介绍:
蹲辣den lak：居住，生活在。我蹲辣上海有三十年横里了。
贴对过：正对面。伊住辣我屋里向个贴对过。我蹲辣辣卢湾区公安局贴对过。斜对过：斜对面
赛过：好比。伊讲闲话个腔调赛过（像煞）是我个老板一样。
告,搭，搭仔：和，与。张师母告李师母蹲辣三弄堂贴对过
顺带便：顺便。侬回来个辰光顺带便拿菜买回来。
借因头：找借口。楼浪小姑娘一下楼，我就借因头出来倒垃圾，开报箱，实际浪向是要搭小姑娘茄山胡。伊借因头上厕所，是去吃香烟
。
几化：多少。伊闲话讲了介许多，就是要讲伊儿子几化来三
齐巧：伊轧姘头个辰光齐巧碰到伊老婆个外甥，乃末事体豁便了。
横勿满意竖勿满意，横讲竖讲，横勿好竖勿好，横竖横。伊吃辣两千张罚单，伊索性横竖横睐，捉牢仔么总归死蟹一只。
横冷横冷： 指动静很大或大声说话声。伊横冷横冷叫安装师傅上上下下。
一脚：一直，一向：伊拉做生活一脚做到太阳落山。
常怕：就怕。伊发了财，伊常怕人家勿晓得，常怕人家看勿起伊。
迭为：特地；伊迭为为了搿桩事体去了一趟北京
比过：不过。伊住辣辣阿拉贴对过，比过，我从来呒没看到过歇伊。
旧年：去年。搿笔账阿拉旧年仔已经结算清爽了。
讲歇过：讲起过。听歇过：听到过。侬讲伊也辣辣阿拉公司里向？我哪能从来呒没听别人讲歇过伊，也没看歇过。
穿绑：踢爆，露出破绽；骗骗野人头个呀，一歇歇就穿绑了。
转去：回家。我想早眼转去烧夜饭。
别：插戴。胸口别了张胸卡。
别过去：转过身去。请侬别过去，我要换衣裳勒。
别苗头：一比高低。张师母和李师母辣嗨别苗头。
慢慢叫：慢慢地。轻轻叫：轻轻地。好好叫：好好地。
慢慢叫，两个人就成为好朋友勒。
咪咪笑：伊咪咪笑个厾出一句：我又加工资睐。
大家还在听
