广播专辑 弄堂茄山胡80 样本化个马建国

广播174 弄堂茄山胡 样本化个马建国 2013-11-20 16:43 0来源：新民晚报 新民网编辑：田诗雍 作者：马尚龙 　　当马建国作为一个“老三届”毕业生来到上钢三厂个时候，是1968年。“钢铁工人”勿仅是一个职业个身份，更是一个包含社会虚 荣心个花环。头戴藤条安全帽，一身劳动布工作服，颈脖上挂一根白毛巾，脚上一双翻毛工作皮鞋。对于搿个为生于1949年自豪而取名 “建国”个年轻人来说，伊个青春发育脱大跃进大炼钢铁、10年超过英国钢产量同样个膨胀，同样个找不到着落个地方，但是马建国深 知钢铁对于保卫祖国个重要，重要个勿仅仅在于《钢铁是怎样炼成的》，还在于做一个钢铁工人多荣耀。辣伊进厂之前10年，上钢三厂 诞生了一个工人英雄邱财康，伊是上钢三厂个青年炉长，1958年被摄氏1300度个钢水烧伤，烧伤面积达89.3％，压末被奇迹般个抢救过 来；有一份通讯报道写道，邱财康烧伤醒来后个第一句话是：“我的党费交了没有？” 　　其实马建国从进厂当徒弟一直到提前退休，从来就呒没炼过钢，而是辣钢厂当一名运输工，跟随着小火车辣厂区，轰隆隆个来，就 像轰隆隆个去，只是搿样个火车，呒没硬座卧铺，更呒没冬妮亚个撒娇告任性；一年四季，严寒酷暑，刮风下雨。面孔像铁砂皮一般个 粗糙，像老农民一般黝黑，夜里向告老婆亲热，都会从鼻孔耳洞里掉出黑屑。很快，“炼钢工人”个花环辣心中凋谢，剩下个，是辣上 海工作个幸福，当然搿也是很本质个幸福。直至工龄快满30年个辰光，马建国提前退休了。辣压末一天跟小火车出车时，几十年个牢骚 埋怨，竟然侪化作了亲切，下班后压末一次辣厂里汏浴，竟然就汏勿完个汏，搓不完个搓，勿是想彻底个汏干净，而是想再也呒没了搿 样个汏浴。顺便说一句，有很长一段时间，钢厂里只有男子浴室，因为钢厂个第一线工人侪是男人。 　　像马建国搿样个工人，辣上海个老工业基地，仅仅是上百万分之一，伊拉辣上海老工业个历史书里延续了上海老工业个历史。沿着 上钢三厂向东，还有两家名气完全勿辣上钢三厂之下个工厂：江南造船厂、上海船厂。中国第一艘万吨轮“东风号”1965年辣江南造船 厂下水。另一家中华造船厂更是早早个凤凰涅槃，化做著名个滨江大道。马建国个一个同学当年分配辣上海船厂船体车间工作，到了船 台上，伊问师傅船体车间辣阿里，伊师傅哼了声：戆大，搿搭【这里】就是车间。船体车间是呒没车间个！马建国个同学傻愣愣个站辣 船台上，双眼看看天上个云彩，两脚搓搓船台上个油彩，横亘辣船台个铁链比他头颈还粗。 　　俱往矣，钢铁厂辣爆破，船场辣迁徙，老工业辣脱胎换骨……但是俱不往矣，杨树浦发电厂伊台1911年建厂时就开始发电个英国发 电机，至今仍辣发挥余热，伊就像一面青铜镜，鉴证了上海老工业个辉煌。当马建国个儿子马可波罗（当然是网名）陪着祖父和父亲参 观苏州河边自己个创意产业时，旧厂房骨架硬朗，心脏却交拨了艺术。祖父马洪亮脱口而出个依旧是老领导、党支部书记方海珍那句名 话：进这码头，常想起当年景象。 返回新民网