广播专辑 顶呱呱上海话基础课程(41)

第四十一课 第一节：房内器物名词 家生ga5sang1：（家具） 家当ga5dang1：（家产） 台子dde2zi4：（桌子） 圆台yyu2dde4：（圆桌） 写字台xia3ssi5dde1：（书桌） 抽头cou5ddou1（抽屉） 凳子den3zi4 椅子yi3zi4 大厨ddu2ssi4 床ssang23 被头bbiddou：（被子） 单被de5bbi1：（被单） 枕头zen3ddou4 席子xxik1zi3 镜子jin3zi 面盆mi2bben4：（脸盆） 毛巾mao2jin4 脚盆jik3bben4 热水瓶nik1si2bbin3 饮水器yin3si5qi1 冰箱bin5xiang1 微波炉vi2bu5lu1 脱排机tak3bba5ji1 洗衣机xi3yi5ji1 砧墩板zen5denbe：（砧板） 扫帚 sao3zou4 畚箕 fen5ji1 鸡毛掸帚ji5mao3doe3zou1 莲蓬头li2bbong5ddou1：淋浴喷淋器。 板刷be3sak4 / 刷子sak3zi4 电灯ddi2den4 电视机ddi2ssi5ji1 电脑ddi2nao4 照相机zao3xiang5ji1 钟 zong51 手表sou3biao4 洋伞yyang2se4：（雨伞）。 缩折伞sok3zak5se1 拖线板tu5xi3be1：插座接线板。 绳子ssen2zi4 洋钉yyang2din4：（钉子） 螺丝lu2si4 捻凿 ni5ssok1：（螺丝刀） 榔头lang2ddou4 老虎钳lao2fu5jji1 ：（钳子） 第二节：上海话 天地良心 　天地良心同样是上海人经常挂辣嘴边浪个一句闲话。当好心拨人家误读为坏心，当真情拨人家错当为假意个辰光，有口难辩、有理解 勿清个辰光，上海人就会急得对天发誓了：“天晓得、真正天晓得！天地良心、真正天地良心！”凡是上海人讲到搿样一层个辰光，后 面应该是呒没啥个闲话可以再讲了。 　　当然，讲天晓得、天地良心决勿是老实人个专利，上海人里个滑头货也会拿来伪装自家。要能够识别出“天晓得”、“天地良心” 个真伪是人生个一大难题。世界浪还呒没发明出搿样个检测仪器和实验试纸。辣我看来，时间才是试金石。老古闲话讲：“日久见人心 ，路遥知马力。”一点呒没错。千真万确。 第三节：普通话和上海话 伊讲伊刚刚讲伊戆 “伊讲伊戆伊讲”这句话中，“伊讲”、“伊戆”、“伊讲”的发音都是一样的，但拆分开来的意思却大相径庭两码事。“伊讲”表示 “他讲”；“伊戆”表示“他傻”，“伊讲”表示“居然”或“据说”。连读起来，就是“他居然说他傻”，或者“据说他说他傻” 普通话：他竟然说他傻 上海话：伊讲伊憨，伊讲 普通话：傻子刚才竟然说他傻 上海话：憨憨刚刚讲伊憨，伊讲 普通话：他前面说傻子刚才竟然说他傻 上海话：刚刚伊讲憨憨刚刚讲伊憨，伊讲 第四节：上海话说笑 大家晓得周立波小辰光侠气皮，一直畀伊姆妈打，几乎是天天打，有辰光逢年过节还要加班打，辣末伊畀打疲脱了，练成了老经打个体 格。刚刚开始伊姆妈只用手打，后头伊人长大了，皮更厚了，伊姆妈手打勿动了就用尺打，到后来一看勿对，三天断一把尺，成本忒高 了，就开始用拖鞋打。别过，辰光长了以后，周立波对伊姆妈个套路侪弄清爽了，伊姆妈百分之七十个招式侪可以畀周立波化解脱。 随后一姆妈也技术革新了，伊开始用两只拖鞋打周立波，一只专门负责做假动作，另一只用来真个打，搿恁介周立波就挡勿牢了，毕竟 周立波也勿是武当山浪向出来个呀！天冷还覅紧，痛也就痛了，无所谓！但到了热天，周立波身浪畀打得像斑马一样，勿得勿硬了头皮 到学堂上课，经常畀一眼女同学取笑：“咦，周立波，侬姆妈又买新拖鞋啦！？”周立波觉着奇快，伊问：“捺哪能晓得个啦？”伊拉 回答讲：“侬身浪向个花纹呵，今朝脱昨日个勿一样个。” 第五节：上海话俚语 老是做戆大个人，上海人称之为寿头。勿但傻，而且还百般坚持、硬撑到底个人就成了上海闲话里个寿头码子？有一点点寿头寿脑个朋 友还是蛮可爱个。但是寿到死勿领笨、勿肯听从别人好意相劝个脚色，上海人对此更促掐个讲法是“一只寿棺材”。勿见棺材勿掉泪， 是也。以寿、以寿头来自嘲自己讲了傻话、办了傻事也是常常可以从上海人口里听到个。 　　与寿头正好相反个上海闲话为滑头。滑头顾名思义就晓得搿样个人油滑得很，讲一套、做一套，勿守诺言，勿讲信用。从滑头引申 出来即是滑头货。滑头货可以指人：“侬还敢相信伊？人人都领教过，伊是一个滑头货！”滑头货可以指物：“搿条马路浪呒没几家正 宗店家，大多数是卖卖骗骗人个滑头货！”不过上海人还会用小滑头指十分聪明、交关乖巧个小囡、小青年个。此时小滑头有点像爱称 了，表达了老长辈个满心喜欢。“喔哟，几个小滑头也来了。今朝闹猛了！” 　　普通话里木头木脑个人，上海人简称为木头、木头人。“新来个伙计是一块木头，拨都拨勿动。”“阿拉先生进了厨房间就是木头 人，连几只碗盏都汏勿来！”上海人对各种各样性格、脾气个人个称呼都简化了，以一个“头”字概括。还可以寻出勿勿少少个头来。 以后再表，留一点噱头吧。