广播专辑 上海话助词(1) 语气助词 唠和唠啥

广播专辑 上海话助词(1) 语气助词 唠和唠啥 1，助词“咾”跟在前一词上，表示并列的列举，如 我还要焗油咾吹风 闹市中心辟出新个天地，闹中取静，又创新咾又怀旧 绿地当中，假山咾，瀑布咾，湖泊咾，田园风光咾，样样侪有。 阿拉提供各色各样个饮料，啤酒唠，酸奶唠，可乐唠，橘子水唠，样样侪有。 打牌唠，着棋唠，唱卡拉OK唠，大家白相辣瞎开心！ 现今青少年多用与普通话“跟”类似的并列连词“跟”、“帮”等来连接并列结构 搿搭周围有勿有小菜场跟大型超市，生活用品买起来方便哇？ 朝南窗口前面还会造高楼，档牢阳光帮视线哇？ 我搬拉十八层楼，正房帮大厅侪朝南 忙了勿注意休息咾锻炼，晏歇点生大毛病起来来勿及 2. “咾”表示前后承接 我想吃吃畅咾再走。 牛肉“煠”仔咾再“焐”，咸菜“煸”好以后再“炒” 昨日我去看医生咾做检查，看看有勿有啥毛病 我呒没听见咾，葛唠我啥个也勿晓得。 好好听老师闲话唠，成绩会得好起来个。 一日三顿饭认真吃唠，身体回得好起来个。 多动动脑筋唠，做出个事体有眼章法。 3. “咾”表示前后是因果关系 为来为去侪为了侬咾勿去！ 我辰光来大勿及咾，只好出门买大饼油条 侬勿关心咾勿晓得。 我勿晓得咾，只好装憨。 今朝明朝我休息咾，趁机会快点搬好伊。 4. “咾啥”表示“等等”， 譬如讲，小区健身房、儿童乐园、图书馆咾啥有哇？ 阿拉还有得做面膜、修眉毛、蒸面、香熏、指掐贴花、皮肤护理咾啥。 搿只箱子要特别脱我当心，因为里向是陶器咾瓷器，还有镜框咾啥 再弄点瓜子、腰果、杏仁咾啥剥剥。