介绍:
感谢收听,期待你对本期节目的评论留言打赏哦～
急到一道去了
一个急性子冲进面店大叫：拨我来碗面。面送来了，伊勿管面条忒烫就吃起来。服务生也是急性子，辣边浪向盯牢伊讲：侬吃快眼，我要拿碗去汏。埃个人个面条还剩几口，服务员拿面条往台子浪向一倒，讲：侬慢慢叫吃，搿碗我先拿去汏。
性急个人回到屋里向对家主婆讲：气煞脱我了，气煞脱我了。家主婆一听，就去收捉行李。性急个人拨伊家主婆搞糊涂了：侬收捉行李做啥？
原首来，家主婆比伊心还急，对伊讲：侬勿是要气煞脱快了？侬死脱，我改人嫁脱。
家主婆又嫁人了，只过了一夜，新男人就作了要休脱伊。伊讲：侬咋日就嫁过来了，到今朝还呒没搭我生儿子，侬性子也忒慢了。
大家还在听
