广播专辑 周立波海派清口18 老奶奶勿够用

广播专辑 周立波海派清口18 老奶奶勿够用 哎，阿拉阿哥前头是唱唱搿个京戏唱了嗲伐？搿只嗓子真个嗲哦。伊对伐伊反常态哦。伊是专攻老生个。但是全中国老生就伊一家头是搿种嗓子。因为老生搿种嗓子侪蛮苍凉个，比方讲：.....迭个是老生，阿拉阿哥有金属声。啊是啦。怪，所以阿拉平常仔叫伊怪头晓得伐，老狠个哎。2007年九月六号，阿拉阿哥辣搿个维也纳金色大厅唱响伊个个人专场，上海交响乐团百把个人帮伊伴奏哦！狠伐？下头坐个全部是外国人，扎台型啊，没一个人听得懂个。但人家老好听个。人家觉着好听。还出过一桩事体睐。九月六号，伊啊？几只压轴戏，用啥压轴戏晓得伐？用帕瓦罗蒂个我的太阳压轴。而且用全意大利文唱。意大利文伊唱也唱勿来。就是伊勿懂个，但是伊照声样全部报下来，唱得一模一样。出事体了，早浪头帕瓦罗蒂八点四十分晓得迭桩事体消息，哦！人家想勿落了。走脱了。娜马上去查，2007年9月6号，著名男高音歌唱家帕瓦罗蒂仙逝，就帮阿拉阿哥有点关系。伊拿伊拉气煞脱个。 还有阿拉小辰光我我也记记得个。应该下头年纪比我大个更加记得睐。搿辰光勿是歌颂毛泽东思想，毛泽东思想像神一样。搿种歌哦，歌颂毛泽东思想个歌哦，勿胜枚举，勿得了。我就记牢一只歌，但是呢？我有辰光发觉搿种歌词对伐侬去仔细推敲一下，老憨个。就是左了啦老过个。侬讲有只，侬拨我一只节奏。（唱歌....）就是讲一本书要看一千一万遍。侬憨大啊，侬！也忒过分睐。还有睐：（唱歌.....）娜当毛主席辣做啥事体辣。还有搿种歌是违反搿个人体常识个。违反常识个搿种歌对伐，绝对属于是瞎讲叭讲个。（唱歌）死快哦，侬搿挑千斤担啊。五百公斤哎，压也压煞脱侬哎。对伐啦？葛末全国人民全部一道摒哎。（唱歌）结果，全国人民全部摒伤脱。 像我搿年纪，影像最深刻个，倒是哎学习雷锋。对伐？（唱学习雷锋）侬弹了忒慢了。阿拉学习雷锋。搿辰光小学里向侪学习雷锋。因为我晓得就是对伐雷锋老勿容易个。伊是伟大个，但伊也是平凡个。雷锋对伐一辈子扶了一千多个老奶奶过马路，哎真个老勿容易个。葛末阿拉侪出去学雷锋睐。去寻老奶奶。怪睐，迭个辰光老奶奶缺货。呒没老奶奶。满世界侪是雷锋，就是呒没老奶奶。急啊急啊，到后头毕竟是人多力量大，拨阿拉寻着一个老奶奶，开心煞脱唠，正好要过马路，嘭拿伊搀牢仔，老奶奶客气哦，不要啦不要啦，孩子们我不要啦。哇啊啊拿伊搀过去哦。哦哟开心煞了，做好人好事。结果劈头劈脑拨搿个老奶奶骂啊。做啥啦，做啥啦，我好勿容易从迭搭走过去呀。伊刚刚走过去，阿拉又硬紧拿伊扶过来哦。哦哟，真个老勿要意思个。实在是老奶奶缺货。好了，对不起老奶奶老奶奶。上好课回来两个钟头一看，老奶奶还辣辣，因为后头一片片侪辣辣学雷锋啦。噢，大家我估计笑个朋友侪有搿种经历个。侬侬现在侬比方讲侬侬侬现在老奶奶多了，因为阿拉上海已经进入了老龄化社会啦。现在老奶奶多了，雷锋寻勿着了，侬也勿好怪着雷锋个问题。勿是雷锋个问题。侬比方讲，现在就是老奶奶拨伊拉雷锋碰着，雷锋呢也勿一定赶扶伊过马路。扶到一半，老奶奶脑充血，嘭下去，雷锋马上接到律师信哦，主要侬勿晓得迭到底是老奶奶出了问题？还是雷锋勿够用。迭个是只问题。就是覅去想伊。交关问题阿拉就是讲勿好想得老深刻个。深刻等于戳克么。反正侬讲学搿个雷锋学得蛮有劲个。