明明互相相爱，却一直彼此伤害

明明互相相爱，却一直彼此伤害 个女仔系我 算系青春懵懂期时互相喜欢嘅一个中学同学！故事由十年前讲翻起喇，个时大家都仲系懵懵懂懂嘅少年，裤袋有三百蚊带佢去食200蚊野去睇场电影最尾剩翻20蚊搭车翻屋企！个时大家都好开心做住情侣一齐做嘅野，就差个告白嘅仪式就可以正式一齐了！表白个过程系佢引导我嘅，问我对佢咩感觉我们之间算系点！我就搵左一晚算系适当的时刻对佢表白左。 结果呢件事对我宜家都影响之深，引用张敬轩一首歌春秋几句歌词基本都概括得晒了（那夜谁将酒喝掉，因此我讲得多了，然后你摇着我手拒绝我，动人像友情深了）被拒绝左，滴女人真系蛊惑！ 我知佢中意我嘅，可能原生家庭影响吧，佢自细卑妈妈抛弃的，爷爷嫲嫲带大佢，屋企有爸爸有后妈滴仔女，喈系佢细佬妹，所以佢自细就好坚强独立好叻女嘅！ 拒绝嘅原因系话我冇安全感，港真我同佢都系属于冇乜安全感嘅人！就咁样啦我慢慢疏远佢大家慢慢淡左（一直都keep住联系但比较少）第二次系一两年后吧，大家又熟翻，剧情同上一趴如出一辙，又拍拖约会又表白又拒绝！我好嬲，删左佢了！ 当中我有试着去为佢改变，变得有责任心同安全感，我地当中有个佢闺蜜，同佢玩得好埋同我都好熟，都会成日系佢面前讲我有几好几好一直有撮合我地，宜家又翻来啦，又系呢种剧情，原本以为当初系因为双方唔懂事经历唔起考验种种原因导致冇一起，宜家大家都成熟了，却总系争小小，唔知系咩！ 讲下我自己感觉喇，以前一开始冇一齐到大家后来各自经历左咁多有好嘅有唔好嘅心境都早已唔一样，我就会觉得我冇享受到佢最美好个两年嘅青春冇同我一齐，当然有得有失呢两年都努力打拼工作稳定有小小存款！ 可能佢就觉得当初真系一齐左宜家双方可能都唔会有宜家过得好，可能早就分左，佢自己好独立自己搵钱供车帮屋企还债务咁，一直话当初我地真系一齐左嘅话早就分左了！宜家同佢出街相处 ，老实讲我可能早已冇左当初种冲劲同主动性，佢都唔会系好主动个种，呢度我又想问翻你话两个人一齐系互补夹啊亦或系性格相似衬d呢？我宜家真系惊了，最好佢冇再引导我表白啦，我真系怕了！ 答： 以上就喺士多啤梨苹果橙嘅一封感情邮件，呢个故事其实都系十分简单的，两个人相识于微时，大家都互相有好感，但喺又永远都系唔到一齐， 然后男主就将个问题归根系个女仔嗰度，话佢原身家庭嘅问题导致对方缺乏安全感，所以始终都唔敢行出嗰一步，咁我都唔知道呢个女仔究竟有冇同其他男仔喺一齐过了。 因为事关你哋讲紧已经成十年，咁喺呢个过程当中，佢系唔系净系喺你身上缺乏安全感咧？喺其他人身上有冇咧？咁我又唔知，因为你都冇讲到呢件事，咁同埋咧，即系话你话个女仔好中意你，咁你又咁中意对方，点解你唔去表白呢，要等到对方来到引导你去表白呢？同埋成件事即系客观地讲啦，即系要对方去引导你表白同埋你主动表白系两回事嚟噶。 你话佢缺乏安全感，咁你又为对方做过啲乜，令佢对你增加安全感，或者对呢段关心增加信心啊？ 本身一个缺乏安全感嘅人佢就好需要对方主动，如果你系一个被动嘅人，你需要人哋去引导你表白，同埋表白咗之后，佢拒绝咗，你就放弃。 咁对方会唔会觉得你根本就冇咁中意佢呢？喂佢缺乏安全感，系咪本身就好需要你好坚定咁去爱佢啊，咁你又冇主动去表白，证明你并没有那么爱佢啦，咁你表白完，人地拒绝你，你就放弃喎，咁就更加证明佢呢个谂法系更加正确嘅，你觉得个问题系喺佢身上还是系你身上？ 我本身都系一个颇为缺乏安全感嘅人，我只会中意嗰啲中意我嘅人，咁点样判断对方钟意我呢？咁起码佢会好多嘢会主动释放啲信号，令到我觉得佢真系中意我嘅，因为我喺男嘅，所以唔需要对方太主动，我只需要对方对我嘅感情作出回应就ok，但喺你面对嘅喺女仔啊，佢系需要你主动表达嘎。 既然你咁钟意佢，点解你又唔去做主动嘅人咧，同埋你讲到对方原生家庭令到佢可能性格上边会更加严重缺乏安全感嘅，咁你更加需要主动啦，咁我喺字里行间冇见到你为佢做过啲乜嘢喎。同时客观地讲，你好似喺度营造受害者嘅形象，事实上边个喺受害者都未一定，你冇觉得好似对方喺度玩你，如果真喺你讲嘅咁，佢钟意你，你觉得佢拒绝你，佢唔会难过？ 至于你讲嘅嗰个问题，就话两个人一齐系互补夹啊亦或系性格相似衬d呢？我觉得呢个问题呢，就两睇嘅，因为人唔系一个方程式，佢唔系话一定要如何这般。人系会变嘅，同埋你自己都讲啦，你都为咗对方去改变咗好多，变得更加有安全感，更加有责任心，但系当然呢个只系你讲噶啦，我喺成篇邮件入边，我冇睇到任何客观嘅证据嚟到证实你讲嘅呢个观点咯。 你话性格相近嘅人喺埋一齐会唔会好啲，好似你同佢咁样，两个都缺乏安全感，两个都咁被动，你觉得好咩？唔会啊，系咪，即系其实好多时候咧，感情喺任何环境底下都需要一个人更加主动会好啲。 如果大家都将啲心底说话放喺个心入面，等对方估，咁我觉得呢件事情就麻烦啦。呢个所谓嘅性格相近或者互补好唔好，其实好多时候咧，爱需要包容嘅，好多情况底下，你中意嘅嘢，我唔中意，我中意嘅，你唔中意，但系好多咁样嘅情侣依然都会相处得好好，同样，好多情侣系因为同一件兴趣爱好，系咪一齐嘅，但系最终都会散咗咁。 所以我觉得呢个问题喺一个伪命题嘅，你爱一个人系纯粹系因为你爱一个人啫，爱好纯粹，系某程度上理想嘅状态下，爱喺纯粹嘅，但客观嘅情况底下咧，爱系互相需要啫，即系我需要你嘅嘢，你有需要我乜嘢，咁咁啱，咁系咪一齐囖。 即系你话互补，可能我性格系比较安静嘅，咁对方嘅性格呢，系一个活泼嘅，好多时候我想静，咁佢又不断咁讲嘢，你觉得我会唔会接受得到？可能对方会觉得你话点解你咁闷噶，咁又会好麻烦，所以你讲嘅呢啲所谓嘅性格互补，系咪存在呢？ 即系一种情况底下，我系一个好安静，好内向嘅，但系你又好活泼，好健谈嘅，可能我唔讲嘢，但喺我好中意听你讲嘢，你又唔需要我去表达，你知我喺关键位俾翻啲回应你，你就会觉得好享受，因为你觉得自己已经俾对方认可，我系被需要嘅。咁呢种关系互补先系健康嘅。所以话不存在性格相同嘅夹啲或者性格互补夹啲呢个问题嘅。只有爱同唔爱嘅嗻。 我之前节目都分享过一个关于我自己嘅故事，我初中有个暗恋嘅女仔，咁我早嗰一两年咧，有同佢倾翻，见过面一齐约个会咁样，其实大家都摊开嚟讲嘅时候呢，佢都会讲， 即系佢即使重新选择，佢都唔会选择同我一齐或者嫁俾我，咁我都一样，我都唔会选择同佢一齐或者系娶佢做老婆，只系大家都欣赏对方中意对方，但我哋唔需要一个身份去同对方一齐，会有呢种关系。 所以我其实唔系咁理解你同呢个女仔嘅关系，你哋想发展成点样，如果你真系咁爱对方，对方又咁中意你，你不妨坚持下咯，即系你唔好话惊受伤害俾拒绝，你再坚持下，你尽你所有嘅能力比佢感觉到你系好坚定地爱佢，咁可能佢就会接受你咧，系咪先。 呢个故事就分享到呢度，其实成个故事系好简单嘅，尤其是喺我哋呢啲外人嚟睇呢，真系冇咩值得烦恼嘅，你只需问你自己，你爱唔爱呢个人，就OK啦，只要你得到呢个答案，你就知道自己应该做啲乜嘢，今期就到呢度，再会。