麦兜 : 妈妈,我好肚饿啊..
麦太 : 得喇,今日个午餐系乜野呀?
伙记 : 都系果d野啦...
麦太 : 即系乜野呀?
伙记 : 普普通通,家常便饭咁啦..
麦太 : 点家常法呀?
伙记 : 哦...咪又系黎黎去去,有d肉呀有d菜呀,
捞埋捞埋打个生粉献上去果d野咁啰,你想跟饭定跟意粉呀?
麦太 : 跟乜野者,你都冇讲个午餐系乜!
伙记 : 咁都系果d野架啦,廿零蚊个餐又汤又剩,唔通有得你食天九翅咩,
求求其其有d肉,有d菜蛋白质淀粉质捞埋捞埋打个白汁茄汁黑椒汁
咁牚得你慒口慒面咪”lui”番去番工番学番厂番写字楼啰,
唔系你估真系搵餐晏仔咁简单呀?
咁跟饭定跟意粉呀?
麦兜 : 妈妈..我想跟饭呀...
麦太 : 跟乜野饭者,食乜都未知呀!
伙记 : 都估到啦,黎黎去去咪又系果几味野...
麦太 : 边几味野呀?
伙记 : 咁都系果d 猪肉牛肉瓜瓜菜菜玉米肉粒双肠蛋饭
窝蛋牛饭生妙牛饭梅菜鲩鱼味菜鲜鱿香茅猪扒葡汁海鲜跟饭或意粉
三丝炒濑时菜班球香煎龙利沙嗲牛河吉列班块凉瓜煮鱼鲜茄牛饭
炒贵刁咖喱鸡芺蓉蛋俄罗斯牛肉夏威夷鸡扒焗葡国鸡饭
豉椒排骨肉酱意粉宫宝鸡丁跟饭或意粉...
麦兜 : 妈妈,我要宫宝鸡丁呀..
麦太 : 怕唔怕辣呀?果d宫宝鸡丁?
伙记 : 唔怕,今日午餐冇宫宝鸡丁...
麦太 : 冇你又讲?
伙记 : 我举例者..
麦太 : 咁你举够未呀?
伙记 : 差不多啦..
麦太 : 差几多呀?
伙记 : 都七七八八啦..
麦太 : 唔好七七八八啦..你举埋渠先喇!
伙记 : 咁黎黎去去又确实不外乎果d滑蛋虾仁京都排骨中式牛柳西芹鸡柳
红烧豆腐豉汁排骨干炒牛河叉烧煎蛋鱼香茄子白汁鸡丝跟饭或意粉
西炒饭咕噜肉烟肉蛋盐焗鸡金沙骨扎肉河咸鱼鸡粒饭葡汁焗四蔬.
蚬肉菠菜面西西里牛肉日式照烧鸡清汤牛白腩卤水鹅拼卤蛋"diu"草汁焗石班..拿仲有..烧肉鸡鸡油鸡叉油鸡叉切鸡鸡油鸡切鸡鸡叉烧肉烧肉
叉烧肉叉鸡叉油鸡叉鸡濑叉烧濑叉烧油鸡烧鹅濑乳猪饭乳猪叉油鸡油鸭饭油鸡米叉烧油鸡米火腩油鸡叉烧米油豆腐火腩油鸭豉油王炒米...
系徺..仲有润肠徺..好靓呀..我地尼度D润肠...
麦太 : 润肠下话?好呀润肠!咁你即系举完例喇嘛?
伙记 : 举完喇...
麦兜 : 妈妈..我想跟饭...
麦太 : 得喇!我问你,今日个午餐到底系乜野?
伙记 : 下..家下仲午餐...?过哂钟喇...
麦太 : 咁就听日先啰...听日..我谂都系果几味野者..