绑票式结婚

绑票式结婚 以下节目内容纯粹为了节目效果，切勿对号入座，部分事实不代表普遍性，仅供娱乐，多谢配合。 前嗰排，我老友激亲条女，咁佢呢就玩小红书，去私聊啲女网红，俾条女知道咗，话要分手。佢为咗留住条女，箍煲嘅时候就放大招，咁我问佢啦，我话咩大招咁了不起啊，咁佢就同我讲，佢俾咗承诺，佢话两年内一定会同佢女朋友结婚，咁条女就原谅咗佢，喂，点解而家啲麻甩佬觉得结婚喺个最大嘅筹码，点解呢，点解男人好似咁惊结婚咁样嘅。 嗱，事关呢，我就未俾逼过婚，事实上我系一路单身嘅，我未试过体验过呢啲嘢，喺冇经验嘅情况下，我只能够从身边嘅人去取经，或者从电视剧学嘢，即系，尤其是系港产片啦，即系我见到大部分港产片啲女主角呢，一路同条仔拍拖，拍到即系三四年咁计啦，条仔唔求婚，亦都冇计划过结婚，佢会分手，点解啲女咁想啲仔同佢结婚？冇他嘅，因为条“心”想快啲自由，即其实我觉得结婚就好似“标心”囖。 嗱，你试谂下，即系个人呢，喺要俾咗礼金然之后再结婚摆酒，先可以聚翻屋企噶嘛，咁咪即系一手交钱一手交人囖，咁仲唔系赎心啊，系咪啊。 喂，咁条“心”想快啲自由又喺咩回事啊？你试谂下，一个适婚年龄未结婚嘅女性喺屋企係一个乜嘢状态？即係唔使讲嘅，佢一定係会时常俾人哋催婚啊，点解要催婚吖？因为绑票嗰个都知，摆得越耐条心喺唔值钱伽嘛，咁咪想快d甩手，从呢个角度黎睇，催婚喺唔喺合理好多啊？噉你催得多，条心咪烦囉，噉烦佢咪想自由囉，想摆脱呢个状态囉，点摆脱啊？逼婚囖。嗱係咪成个逻辑都通晒嘞? 同埋咧，即系你俾咗礼金，你唔可以即刻带个人走嘎，你仲要去佢屋企接佢，警匪片你都见得多啦，赎人边有咁顺利话一手交钱一手交人嘎，仲有大把环节玩鸠你啊，你call晒SDU，PTU,即喺伴郎同兄弟团啊，你仲要额外准备一笔买路钱，即喺开门利，9999，都仲未算啊，系咁嘎情况下你仲要做场马骝戏啊，你知啦，即系第一批收礼金嗰个系班人喺想你快啲完成交易嘅，毕竟佢都收咗你钱啦，求财嗻，但喺收开门利是嗰班人唔喺咁谂嘎，大钱佢哋就揾唔到啦，咁就撚鸠你班SDU同PTU开心下，补番数啦。 即喺讲开又讲，有时候我真心觉得，呢个世界上最撚唔想你结成婚嘅就喺呢班七姑look姐妹团，网上都颇多类似嘅case，姐妹团刁难新郎同兄弟团，结果不欢而散，喂，按常理，姐妹团喺你自己选嘅，应该喺你最信任，最深感情嘅人黎嘎，点解佢哋会咁做嘞？ 好简单嗻，你记住一句说话，呢个世界上，除咗你父母，冇人希望你过得比佢好，甚至兄弟姐妹都一样，咁你知啦，你都适婚年龄啦，你哋姐妹都唔方年轻得去边，而且做姐妹嘎，通常都喺要未婚嘅，大佬，呢班人当中可能仲有好多单身嘅，你觉得佢会希望你咁顺利交货咩？从来啊，人性都喺最撚经唔起考验嘅，嗰班姐妹锁住门唔俾人入屋，喺帮你把关，还是趁机发横财，赚翻俾出去嘅利是嘞？不得而知。 诶，你冇以为俾咗钱就万事大吉啊，俾钱只喺开门，你要带人走，仲要做场好戏，形式好多啦，而其中最为经典嘅喺揾鞋，我试过参加一个婚礼，班姐妹将对鞋收埋喺屋外面嘅空调外机上，班SDU同新郎揾到发烂渣，喺差啲结唔成婚嘎，反正佢哋嘅任务就喺想尽办法阻止你带个新娘走啦，事实上我真喺唔知呢种风俗喺从几撚时开始嘅，百思不得其解，即喺男方女方都知道姐妹团喺阻鸠住晒嘅，但喺仲会设置呢个环节，耐人寻味啊。 甚至有时候，我都怀疑条女喺唔喺都唔想嫁，如果佢想嫁佢点会由得啲奸臣把弄朝政啊？佢在场嘅喔，但喺佢成个外人咁，熟视无睹，好似成件事唔关佢事咁嘅，喂，你真系唔想走，你讲啊，系你何必啫，我交晒赎金，又做埋马骝戏，俾埋开门利是，你咁样嚟玩我，喂，你如果喺觉得唔岩数，你提前讲啊，可以倾嘅嗻，你冇到咗交货先玩嘢啊，我时常喺度谂，其实啲富家子弟娶新娘俾一千几百万大礼，啲娘家人喺唔喺都咁胆咁样玩嘅嘞，我真喺未曾见识过。 你唔喺以为只有姐妹团做奸角嘛？冇傻啦，通常啲警匪片都会有啲黑jing嘎嘛，呢班人就喺你接到返屋企，以为可以送入洞房嘅时候，你就发现边撚个喺奸角，我地系见到新闻报道过，婚闹喺会死人嘎，即系你去赎人嘅时候，你分分钟连自己条命都冇，即系钱冇咗我都算啦，命都冇咁就真喺烧你数簿啦，所以我觉得即系如果你摆酒，OK，你唔好请嗰啲家门不幸嘅Friend，你知道喺婚宴上边去搞嘢嘅嗰啲人咧，通常都心理变态，即佢自己生活过得唔如意，咁佢将嗰啲愤怒发泄喺你嘅幸福婚姻之上，你结婚幸福啦，你赎条女翻去，你OK啦，佢心理唔平衡，佢要搞残你，系咪先，嗰啲人心理变态嘎，你知道佢家门不幸嘅人一定会咁样噶，所以你请人啊，只能够请嗰啲家庭幸福嘅，婚姻美好嘅，咁佢就会放过你。 你结婚就好似赎人咁啊，唔系熟悉嘅熟，系救赎嘅赎啊，你外父外母咧，其实喺同你同一立场嘅，佢地都想个女早啲嫁俾意中人，但係下面嚟饮嗰班人呢，佢未必係咁希望你顺利噉样娶到老婆嘅喎，即喺我试过呢，个婚礼去到交换戒指嘅环节，噉你普通啲人最多系话叫嘴佢嘴佢嗻，哗，嗰条友係丧心病狂到乜嘢呢，佢喺下边嗌屌佢屌佢，喂你封几钱利是呀？提啲咁嘅要求？作为旁观者我都想同佢讲，我想带佢啊妈去睇中医啊，即喺咩意思啊？睇中医啊，执翻剂囖。 喂，你做乜嘢啊，你而家真系当正自己上紧网噶喎，咁撚放肆嘅。 即系你结婚你请最亲近嘅人，最friend嘅人，你谂住佢哋会带住祝福嚟饮你餐喜酒，但系唔系噶喎，喂佢哋带住乜嘢嚟噶，你现实中你睇得到噶嘛。 你见到班姊妹叫你读嗰份誓词系几歹毒噶嘛，即系如有背叛，五雷轰顶系嘛，如有对佢唔住，十世轮回都去做猪，我屌你咩？喂，点解呢啲誓词唔系一式两份，净喺制约个男人？1901年辛丑条约喺呢份誓词面前都显得有几分公道啊，你呢啲誓词我只能同你讲，两个情况，个男人读嗰阵就冇打算兑现，或者读一半就想出家做和尚。 诶，你冇以为我只为当事者发声啊，结婚离我太远啦，我都要为自己发声，你知唔知乜叫粉红色炸弹呀？你去到我呢个年纪呢，就唔係粉红色炸弹，而係粉红色核弹。 我相信你哋好多人都遇到呢啲情况啊，即係人哋结婚派帖俾你，你俾利是，呢啲叫投资，点解哩？因为你预咗你会结婚嘅嘛，噉佢封返畀你囉。 但係好似我哋呢啲人，你同我讲我又冇机会收你封利是，我真係唔知，对于我嚟讲呢， 呢个投资嘅ROI一定係负数，我会唔会咁傻走去投资呢？咁梗系唔会啦，所以我通常等啲friend差唔多要结婚嘅时候，我循例都搵啲借口同佢嘈，一嘈就unfriend佢个零两个月，等佢结完婚度完蜜月，我先同佢friend翻嘅。咁会唔会有意外咧，系会嘅，咁实在系真系要收人情嘅情况底下，俾咗几百蚊，我又食啲大排档咁嘅嘢，我就只能够玩翻够本啦。 所以冇咩事唔好摆酒，系咁。 关注我公众号，FengShow，几有趣嘅。