教学❤朗读第1期第3课《开放的广州》

欢迎咨询粤语【付费VIP】学习班级 学心老师的微信公众号：hok-sam 课件在【微信公众号】，同步更新。 粤语文字表达，不配国语翻译。 推荐歌曲： 东山少爷《广州好》 第三课 开放嘅中国，开放嘅广州 中国改革开放已经有二十年啦。呢二十年嚟，随住开放嘅不断扩大，中国嘅经济有咗巨大嘅发展。人民生活温饱问题基本得到解决。至2000年底，国民生产总值经已提前实现比1980年翻两翻嘅目标。呢个标志住，中国嘅经济从温饱型向小康型嘅过渡。 而处喺沿海最前线嘅广州，亦都籍住改革嘅春风，大力加快经济嘅发展步伐。 广州作为一个经济城市，各项金融总量指标都居喺国内第三位，仅次于北京同埋上海。根据2000年底嘅统计，广州市全年嘅国民生产总值增长率达到咗13.6%，增幅持续数年位居全国十大城市之首。 除咗经济建设上台阶之外，市政府亦都揸紧城市建设嘅力度。地铁一号线建成投入使用嘅同时，地铁二号线嘅建设亦都即刻动工。加上内环路嘅建成开通，大大缓解咗广州市交通状况嘅紧张。80层高嘅中信广场以及天河体育中心等标志性建筑嘅建成，亦都代表住广州改革开放嘅成就。 广州嘅建设能够有咁大成绩，一方面除咗广州人不断加大体制创新同技术创新嘅力度，悉心推进国企改革同社会保障体系建设嘅原因之外，另一方面亦都多得好多外地人嘅热心投入。喺广州有几百万嘅外来人口，佢哋热情咁加入建设广州嘅行列中，为之洒下咗唔少嘅汗水。 广州人系好客嘅，亦都系记恩嘅，对于每一位嚟到广州嘅朋友，佢哋都会给予关心同帮助。至于朋友们为广州出嘅力，佢哋亦都会永远记响心中。