教学❤朗读第1期第4课《食在广州》

欢迎咨询粤语【付费VIP】学习班级 学心老师的微信公众号：hok-sam 课件在【微信公众号】，同步更新。 粤语文字表达，不配国语翻译。 推荐歌曲： 林颐《民以食为天》 第四课 食在广州 中国人都好注重“食”嘅文化。广州人更系为自己家乡赢得咗“食在广州”嘅美誉，说明广州人系好识吃嘅。 事实上亦正系如此。广州嘅美食驰名国内外，随随便便就可以举出几样。 譬如好多人都听讲过嘅烧鹅，皮香肉滑，“拍”得住北京烤鸭，甚至有过之而无不及。又比如蜜汁叉烧，甘香鲜美，吃过番寻味；脆皮乳猪，入口松化；红烧乳鸽，肉嫩骨脆；白切鸡，吃咗齿颊留香……再加上五花八门嘅小菜、点心，各种甜品、炖品，以及一年四季都有得吃嘅海鲜，响广州真系可以过足食瘾，尽饱口福。 广州“食”文化嘅孕育演变，好大程度上同广州所处嘅地理位置有关。因为地处南疆，气候湿热，所以广州嘅水土属性偏温偏燥，人处喺咁嘅环境中好容易“上火”，以至得病。于是，广州人就发挥佢地嘅聪明才智，从饮食着手，均衡调理，以化解呢啲对身体嘅危害。 举个例子，就好似广州人钟意饮汤，呢个好多人都知，而汤水中具有好好嘅食疗成分，呢个外地人就未必知。广州人煲嘅汤一般都系用慢火煲足个半钟头以上嘅“老火靓汤”。噉样嘅汤具有清热、润肺、去火……等等功效。所以平时饮得汤多嘅话，身体都健康啲。正所谓“饮得汤水多，疾病远离我”，就系噉解。