介绍:
欢迎咨询粤语【付费VIP】学习班级学心老师的微信公众号：hok-sam课件在【微信公众号】，同步更新。 粤语文字表达，不配国语翻译。 第二课：几大就几大，烧卖就烧卖广东话点解又叫做白话，就系因为佢属于一门好直白嘅语言，产生于市井，通俗易懂。好似题目呢句“几大就几大，烧卖就烧卖”，一睇就知，系响茶楼度讲出嚟嘅。因为系得茶楼，先至有烧卖食嘅啫。你可能会问，呢句说话点解睇落前后都唔搭嘅。系嘞，冇错，好多时，广东话追求嘅唔系意思嘅连贯，而系响音律上嘅押韵。噉样嘅例子我哋可以举好多好多。比如有一句话，叫做“得就得，唔得就翻顺德。”你可以话睇起身，系前后完全冇乜因果关系嘅。但正因为噉样，先至显得广东话风趣搞笑，耐人寻味。所以你唔好话直白嘅语言就会好粗俗。佢一样可以系好艺术，好优雅，雅俗共赏，你话我讲得啱唔啱？嗱，广东话噉样嘅特点，响下面呢啲三字词语度，就可以完全体现出嚟嘞。方法就系，我哋讲广东话，好多时系将一个形容词重复多一次，再加个“哋”字，组成嘅词，听落就几盏鬼。好似，讲味道嘅，甜甜哋、咸咸哋、甘甘哋、辣辣哋、苦苦哋；讲颜色嘅，白白哋、黑黑哋、红红哋、黄黄哋，呢啲你就可能好容易理解。但如果讲到，脆脆哋、怪怪哋、粗粗哋、悭悭哋、低低哋、傻傻哋、杰杰哋、鬼鬼哋、精精哋、QQ（cute）哋、high high哋，咁多“哋”，你就未必完全识得晒㗎啦。系咪好得意呢？另外，广东话仲有一个特点，就系好直。佢唔似台湾人讲国语咁“嗲”，又唔会似大陆人讲普通话咁“间接”。我哋最兴嘅，就系“有嗰句，讲嗰句”。好啦，总结性嘅嚟讲，呢一课向大家介绍嘅系广东话嘅一啲特点。而家系提问时间。你觉得对呢一课仲有啲咩唔明嘅嘢，又或者系有啲咩感兴趣想知嘅，就即管问啦。
大家还在听
