介绍:
请关注 “上海话顶呱呱谈山海经” 微信公共群： LaoColorGossip。微信推送上海话广播和上海话学习资料。
上海闲话俚语个历史典故
“翘辫子”个来历，听讲脱仔老上海个电车有关。旧上海马路浪向跑格电车侪是有轨电车，下头有铁轨，高头有电线，车子个动力侪靠电车头浪向个小辫子，搿种电车勒拉新上海交关长一段辰光里厢还保留勒嗨。电车弗大有出轨个事体，别过。电车头浪向个小辫子脱落下来倒是常庄发生个事体。车子开到半路浪，小辫子辣末生
头跳脱勒，电车就趴了唉面搭，一眼也弗会动了，侬讲刮三伐。搿恁介呢，车子浪向个上海人就发牢骚勒:“要死了，小辫子落脱了。”“落脱了”，就是讲电车浪向面个“小辫子”翘起来了，翘辫子，也就是死脱了，动弗了勒，完结勒，一脚去了。大家清爽伐？！
十三点。
上海女人骂人，特别是两个上海女人对骂，常庄会得听到伊拉互相骂对方“十三点”。十三点是上海人专门用来骂女人格。闲话讲转来，勒拉一眼特定个地方，十三点也可以用来骂男人，别过一定是因为搿个男人有眼娘娘腔，或者弗男弗女，搿个男人不像男人。比较“正宗”个“十三点”用法是可以脱籽另外一个词掉勒用格：交际花。“十三点”是由英语个 society一词演变过来格。开埠之初个上海，传统个上海女人是看不惯唉眼勒
拉交际界（society) 混格女人。洋泾浜英语拿搿眼女人混迹个地方作“society”，对于需要一个译音个大多数不懂洋泾浜个人来讲，上海话里个“十三点”就邪气贴近勒，又好记。因为洋泾浜英语是自说自话个，葛唠欢喜开玩笑个上海人就拿搿种交际界个译音干脆作为勒拉当中混日脚个女人个代称。十三点也就慢慢地变成
了骂女人个专用词。辰光长了，上海人就慢慢格忘记脱了十三点个本来意思，会拿十三脱仔点分开，简化格骂：“十三勿啦？”干脆省脱勒“点”。勒拉现在，十三作为一个专门攻击女人个名词，已经远远离开了伊老早个原来个意思。随便一个让人家讨厌个女人侪可能畀骂成“十三”，“老十三”，“小十三”唠啥。
上海人老是讲：“吃力不讨好，阿王炒年糕”，搿里向还有一段故事：老底子穷人阿王屋里厢来了几个小兄弟
，阿王想办法要招待伊拉，好不容易寻出几块年糕，准备做一道上海特色菜———重油炒年糕拨客人吃，啥人晓得伊拿年糕炒焦脱了，根本呒没办法吃。葛唠叫做“吃力不讨好”。
上海闲话“扎台型”是讲勒拉别人面前摆嘘头，撒花腔，让人家眼热。“台型”老底仔是指表演艺术当中个舞
台造型，老底子唱戏个人为勒突出脱仔抬高自己个形象，动足脑筋来压低别人来提高自己，搿就叫“扎台型”
。
“来三”个意思是精明、做得来事体。传说明末有一个考官勒拉江南主持考试，拿唉眼暗触触塞好处畀伊个考
生安排勒拉名为“来字三号”个考棚里向，结果搿个考生还真个就考中秀才勒。葛佬上海闲话就用“来三”来
表示可以格，呒没问题，一直用到现在。
空麻袋背米
“侬又想到阿拉搿搭来空麻袋背米啊，想阿覅想。”“千万覅再去白相了，伊拉一直欢喜空麻袋背米格，侬到
现在还勿晓得。”空麻袋背米，现在能听到的，往往是上海人打麻将辰光格习惯用语，而老底子格空麻袋背米
，是让交关老百姓上当受骗畀骗脱交关钞票格事体。上海曾经是冒险家个乐园，邪气多不晓得名字但又穷得嗒
嗒滴个外国人，由于长勒是高鼻头蓝眼睛就无法无天，伊拉晓得旧上海当局金融管理相当混乱，信息不发达，
就开勒各种各样个所谓银行脱仔发行一眼呒没办法考证格股票，老百姓也经不起唉眼广告脱仔发财个吸引力，
拨骗子嘘进，侪拿自己格血汗铜钿存进去或者购买股票，啥人晓得搿眼人是空麻袋背米，空手套白狼，钞票一
拿到手就马上逃脱了。老百姓就连人也寻不到，吃足苦头呒没人管。甚至还有人家破人亡格。
实际浪向现在也有交关多个号称是公司，也勒拉空麻袋背米。比如，有眼人受娱乐业里向一夜成名个诱惑，
一眼骗子就动脑筋用空麻袋背米个手法开办所谓个造星公司，拿一眼想当明星做明星梦个青年人套进去，嘘伊
拉签订拍电影个合同，然后就急吼吼个按条款个约对方定金，少则千元，多则上万块。作孽格是，唉眼上当受
骗个男男女女还天天等勒出名呢。
空麻袋背米的“米”就是钱，大概老底子米就是“实物通货”个道理吧，老早到粮店买米侪是用麻袋装好了
以后背回屋里厢格，后头呢又引申出背米就是赚钞票格意思。老早装“米”格么事是麻袋，“空麻袋背米”专
指“做无本钿生意”。伊拉花样多来兮，别过归根结底是“坑蒙拐骗”，甚至于拿这眼空麻袋包装得像模像样
，进进出出是高档汽车，租格是高档写字楼，就是搿恁介格包装使得交关人受骗。有眼老人脾气还老恘格，勒
拉银行里向弗听好人劝，死活要拿钞票转畀骗子。
空麻袋背米的事现在还是会常庄发生格，各种各样个短信息、各种电话回访等等，用得奖作为噱头，侪是属
于空麻袋背米个形式，大家千万不要上当了。伊拉买相再好，嘘头再好，大家也弗要上当。伊拉揠勒拉世界各
地个妖尼角落里脱大家打电话，用一个电话，一张银行卡来空麻袋被米。
"吃人豆腐"：
听老人讲，老早仔豆腐店大多数是夫
大家还在听
