介绍:
顶呱呱93迪拜生活回顾并唱东方之珠
一想到中东，阿拉就会想起石油，以色列脱仔战争。我实际浪去过迪拜，别过好像勒拉我心里向，中东搿眼乱七八糟额事体侪好像脱迪
拜远开八只脚，弗搭界额。我好像一直呒没拿迪拜搿个发达个伊斯兰最开放脱仔最发达额港口城市脱仔中东联系起来。实际浪向我早勒
拉1993年，也就是美国人拿萨达姆赶出科威特两周年后，我曾代表公司，一介头来到阿联酋迪拜开拓中东市场。为开通业务，勒拉迪拜
生活了几个号头。搿个热得了吓煞人额地方，拨我留下辣别样额回忆。因为搿个地方是一个辣辣中东特色文化覆盖下额最西化额城市。
脱其它额地方忒弗一样勒。
一直希望能够故地重游，下个礼拜，终于可以去了，搿趟去，完全是去白相。搿恁介呢激发了我额兴子，我就想勒拉今早脱仔大家讲讲当年独闯迪拜额生活体验。
22年前额迪拜，作为最西化额伊斯兰港口城市的繁华，勒拉迪拜，有交关事体侪拨我留下勒深刻额印象。
我还记得刚下飞机后车子勒拉高速公路浪向开额辰光，我觉着佬开眼界额，我呒没想到迪拜居然有介发达额高速公路，想象当中只有美帝国主义才可能有。葛佬，勒拉随后额日结里向，我弗得弗对搿个国家刮目相看。
迪拜是的的刮刮额沙漠里向额绿洲。伊拉额绿化额成本邪气高。因为是沙漠里向种树，葛佬要人工引水，地下头侪是水管。种一棵树额成本是1000美元。
迪拜另外一个让人弹眼落额是伊拉额建筑。侪是国际浪向最有名气额建筑设计师设计额，每一栋大楼侪有自介额特色。滨江地带漂
亮是漂亮得一太糊涂。从网络浪向看，最近一腔，迪拜又出现勒拉交交关关形状各种各样额堪称是奇迹额建筑，搿趟可以大开眼界。
勒拉迪拜，也有一眼老刮三额事体。有一日我出去白相，看到一辆车子停下来，从驾驶室浪向下来一个男人，过脱一夕，车子浪向又下
来勒四个女人，搿个男人走勒前头，后头跟勒四个女人，侪戴了头巾。侬晓得搿是哪恁介一回事体伐？后来我再搞清爽，搿是一家人家
，一个男人脱仔伊额四个老婆出来白相。
另外，天气辣豁豁额，因为是沙漠地区，热得要死。大家侪要到夜到5点钟再开始出来活动。空气滚烫滚烫。勒拉阿联酋，屋里厢呒没空
调是违法个事体。人只好立勒太阳下头一夕夕。立勒辰光特长勒，人肯定要晒成人干。
我猜，我毛估估是迪拜学历最高额人了。弗晓得啥道理，总觉着伊拉侪是近亲结婚养出来额人。当地人弗需要上班，侪是靠石油吃饭，国家有石油分成。好像70%人口侪是外国人。连医生也是外国民工。搿是个邪气有钞票个国家，自己呒没啥额工业，侪靠进口。葛佬有交关商业机会，对中国人来讲，是一个邪气好额出口市场，可以赚硬通货。
有一趟我勒拉排队办事体，几个阿拉伯额人蛮友好额。伊拉问我为啥弗信伊斯兰。我老识相额，我讲我弗了解弗晓得啥是伊斯兰教，呒
没机会接触，葛佬对伊斯兰教脑子里是一片空白，呒没想法。伊拉觉着我讲得有道理。我想啊，伊拉是原谅我额呒没文化勒。我想，如果我长期生活勒拉唉面搭，伊拉会弗会脱我做政治思想工作，每个礼拜安排政治思想学习，脱我汏脑子呢？
勒拉迪拜额辰光，我常庄去一个中餐馆吃饭。勒拉搿个中餐馆里向，我听到勒我到现在还一直最欢喜额歌。下头我就拿搿首歌曲唱畀大家听，如果弗好听，请覅笑我。搿只歌是“东方之珠”
大家还在听
