介绍:
杈人：开玩笑或拿闲话嘲笑人。相对于北方额挤兑额意思。特别是用赞美额方式数落对方额缺点，使得对方处于勿上勿下，勿左勿右额状态。
周立波额朋友开了一家饭店，开张额第一天叫周立波去试吃。别过菜额味道实在是一般般。伊额朋友问：“搿搭额菜好吃伐？”，周立波只好跟牢讲：“老好吃额。”朋友又问：“啊里搭一道菜最好吃？”周立波回答：“侪蛮好吃额。”呒没想到搿个朋友还要追根问底：“侬好好讲，到底啥最好吃？”周立波实在摒勿牢了，伊讲：“可乐最好吃。”搿恁介一记头周立波额朋友晓得了，周立波是勒拉“杈伊”，葛唠勿再问下去了。
搭界：就是涉足别人额某一领域了。比喻有牵连。比如：“搿桩事体脱我勿搭界额。”用英文讲就是：I have nothing to do with it. 或者讲：it is not my business.
发吼：特别生气，以至于冲动发作。现在勒拉酒吧里向，侬勿好瞎叫同志哦，否则人家要发吼额。
哭出胡拉：要哭有呒没哭额样子。
作：为达到某个目的而使用小手段，比如哭闹，撒娇。
收骨头：主动或被动额拿懒散额习惯脱心思收起来。周立波14岁到滑稽学堂，就开始收骨头。一共16个学员，顶峰额辰光开了23门课。啥个中国戏曲史，西方美术欣赏，小品，乐器，表演，方言，芭蕾舞，民族舞，声乐唠啥。
有数：晓得。也指有交情，互相了解而心照不宣。比如：“我脱侬有数额。”
死样怪气：精神萎靡，有气无力，半死不活额样子。比如：上班勿要死样怪气。
小家败气：吝啬，做事小家子气，没有气派额意思。比如：侬勿要小家败气呀，大方一眼好伐？
罪过：造孽。比如：浪费粮食罪过哦。另外一个意思是可怜。比如：“迭个小人连衣裳侪呒没着，老罪过哦。”
屈死（阿屈死）：见识少而容易被人愚弄额人。
憨大：原写为：憨徒。指智力低下额人。但也用于亲密的人之间额昵称。周立波讲：姚明是上海额高度，刘翔是上海额速度，周立波是上海额憨大。
挖塞：心里郁闷，勿痛快。也指难过，讲勿出闲话。
神志无知：同神志野胡。指精神恍惚，糊里糊涂。义和团就是神志无知额，看到拿了枪额外国兵，伊拉赤膊上阵。嘴巴里向念念有词。胸口印了两个字：勿死。
笃悠悠：心里向踏实，勿急勿忙呃样子。
横竖横：豁出去了。横下心来勿顾一切。周立波额朋友额阿爸，是个战斗英雄。每一趟打仗，伊额部队侪横竖横。每趟打仗侪打到直剩下伊一介头。伊从士兵，升到班长，排长，连长，后来伊从营长位置复员，因为伊额领导担心搿个营下趟又只剩下伊一介头部队损失忒大。
神兜兜：神气活现，得意洋洋。1979年。周立波屋里向买了一台电视机。伊额同学侪拍伊马屁，周立波觉着神兜兜。周立波晓得，伊拉是想要到伊屋里向来看电视。
野豁豁：讲闲话做事体勿着边际，出格或者过分。周立波三十五岁以前，伊开车野豁豁得勿得了，速度飞快，有一辆车子就超一辆。有一日伊辣末生头醒悟过来，地球是圆个，前头总归会车子额，有超勿光额车子。葛唠，现在伊车子越开越慢。有一堂，周立波开车去无锡。辣末生头后头有把车子拼命揿喇叭。“嘀嘀嘀嘀嘀嘀嘀。”勒拉修路，呒没办法让伊。好勿容易周立波让开一眼，伊就“嗖”额一记头拿车子开了上来，脱周立波并排额辰光还看了看周立波两眼，好像勒拉讲：憨大，侬会开车伐？！周立波继续往前开，开了十分钟，竟然看到唉把野豁豁车居然勒拉前头等勒嗨。别过是四脚朝天。周立波帮忙报了警，勒拉等待救援额辰光，周立波对伊讲：“朋友，开车勿要开得介野豁豁，侬看，比我早到10分钟，差一眼比我少活50年伐？！”
狠三狠四：凶，蛮勿讲理。
投五投六；投七投八：形容一个人做事莽撞，冒失，忙碌但呒没目标，像无头苍蝇一样。有种人就是投五投六额，老是落脱手机。
老三老四：说话好为人师，态度傲慢。特别用于年轻人脱仔小人。
触霉头：碰到勿开心额事体，倒霉额意思。
差路：拔腿开步上路额意思。小辰光唱额歌：“中国猿人，背起箩筐，差路！上海音乐厅，大光明！”
豁胖：牛逼哄哄。
牵头皮：由于做了勿体面额事体畀人家抓牢了把柄。别人可以随时随地提起搿桩事体作为压力，让搿个人抬勿起头来。
轧闹猛：上海闲话里向“挤”脱“结交”侪是轧。搿搭是凑热闹额意思。
触心筋：触动心事而情绪勿稳定。
一个美女勒拉夜总会上班。伊从差头浪向下来，照相机落勒拉后座了。司机拿头伸出窗外，冲了美女喊：“小姐，你相机（像鸡）。”啥人晓得搿句闲话忒触心筋了。美女面孔一红，火气大得了勿得了。，扭过头骂道：“侬娘起来仔像鸭！”
然后差头开了跑了。一兮兮，美女又追勒拉差头后头喊：“师傅，我相机，我相机。”
骂山门：骂街，当众谩骂。
吃酸：碰到麻烦事了。对某人某事呒没办法了。
淘江湖：有额领导讲：“阿拉是人民额公仆。”搿句闲话是勒拉淘江湖。“仆人是佣人额意思。”
起蓬头：蓬头类似于高潮。
大家还在听
