介绍:
上海话里的"动物"
上海话里向，有得交关拿动物打比方个词语搭仔句子，邪气生动有趣。今朝先为大家整理了一眼～看看交 ，是勿是侬平常经常用个？侬
还讲得出啥个搭动物有关个词语伐？
http://ish.xinmin.cn/xnjx/xnyc/2014/03/03/23689084.html
黄牛肩胛——老黄牛个体型老大个，勿过伊呒没肩胛个，牛头直接连牢仔牛身体。比喻一个人勿敢承担责任，赛过是“黄牛肩胛”。
黄鱼脑子——黄鱼个脑子是两块白颜色个小石头。比喻一个人勿动脑筋，比喻迭个人老笨个，就讲伊是“黄鱼脑子”。
缩头乌龟——乌龟只要受到一眼眼惊吓，伊个头马上会得缩到乌龟壳里向去，外加要过交关辰光，等伊觉着危险已经过去了，伊个头才
会得慢慢叫个再伸出来。用“缩头乌龟”来形容胆小怕事、呒没一眼眼血气个人老确切个。
呒头苍蝇——掐脱头个苍蝇，翅膀还会得扑腾扑腾，勿过飞起来完全呒没方向。比喻一个人做事体方向不明、呒没计划，东打一拳、西
踢一脚，就像“呒头苍蝇”一样。
蓬头狮子——想一想雄性狮子竖起来个一头毛发蓬蓬松松，用伊来形容一个人头发、胡子又长又乱，就像一头雄狮子，蛮形象个。
老虫做亲——“老虫”就是老鼠。搿种动物日里向一般勿大出来活动个，葛末到仔夜里向，就侪是伊拉个市面了。“老虫做亲”，通常
就是指深更半夜个辰光忙煞。
老虎脚爪——巴掌打人老结棍个，叫请侬吃“老虎脚爪”。不过，还有一种传统早点，也叫“老虎脚爪”，因为伊个外形有眼像老虎个
脚爪。
鸡狗鸡狗——当象声词来讲，就好比“叽咯叽咯”，而十二生肖当中，据说“鸡”和“狗”是“相冲”个，鸡狗碰垃一道就“鸡狗鸡狗
”搞勿清爽哉！
蚊子结——“蚊子结”专门用来指一种邪气细小个接头，譬如，垃拉纺织厂里纱线、毛线打结头侪是用“蚊子结”个，搿种接头，勿但
接头个外形细小，外加交关牢靠，勿会松脱个。
鸡爪疯——侬看看鸡个爪子，永远捏勿起拳头来，一个人个手，假使手节头侪像鸡个爪子一样撑开来，抖抖索索个，啊是标标准准个戆
大啦？
猪头三——通常用“猪头三”来形容“脚高脚低、呒重呒轻”个人，带有一点骂人的意思。
马屁拍垃马脚浪——想拍马屁，却拍到仔马个脚浪向去了，拨马狠狠个踢一脚。
黄鳝身体滴滴滑——用手是老难捏牢一条滑溜溜个黄鳝个。形容一个人油滑到仔极顶了，就像一条黄鳝，啥人也捏勿牢伊个，捉勿牢伊
个任何把柄。
羊毛出辣羊身浪——羊毛当然生辣羊身浪~是指表面上高头得到了好处，但实际浪，搿好处是本身就附加辣自己付出的代价里向~
软脚蟹——脚软的蟹，吃起来味道肯定勿哪能。比喻一个人软弱无能，遇到事情只会搭退缩或者屈辱。
飞机浪吊大闸蟹，悬空八个脚——做事体呒没分寸，离开事实忒远，或者是牛屄吹得野豁豁。
眼睛一霎，老母鸡变鸭——形容辰光非常短、老快老突然，眼睛眨了眨，鸡就变成了鸭。（比刘谦还结棍嘛~）
长脚鹭鸶——鹭鸶，腿长又细。形容人长得又高又瘦。
瞎猫碰着死老虫——瞎猫也能抓到老鼠？而且不费吹灰之力,运气那真真是极好的~侥幸啊！
猢狲出把戏——耍猴的人手牵一只猴，一面敲锣，猢狲应着锣声打滚“翻筋斗”、“倒挂金钩”等等，以此引起人们的兴趣，讨得赏钱。上海话里一般指看人笑话，有幸灾乐祸的意思。
狗屄倒糟——可以指事体做得勿像样，还可以指老小气个，比如“几块洋钿也勿肯摸出来，勿要噶狗屄倒糟好伐~”
大家还在听
