介绍:
用点热水介麻烦
种楠 林庸
老早仔，散布于上海城市街区个老虎灶搭油酱店、粮食店一样普遍。刚刚发展起来个城市，水电煤等公共设施配套是低等级个，交关呒没管道煤气个居民住户、商店吃开水、用热水勿方便，乃末江浙一带集镇有古老传统个老虎灶被移植了进来，大一眼个还兼带部分茶馆店、浴室个功能。迭张照片摄于上世纪八十年代中期，地点是杨浦区扬州路，搿家老虎灶周边有上千家居民住户告商家。当时辰光，老虎灶还是相当普遍，以后随着改革开放步子个加大，大规模个旧城区改造、煤气个普及，伴随几代人走过来个老虎灶已仅存怀旧意义，迅速被淘汰。2013年，最后一家老虎灶关张。照片浪泡点水也要跑到户外搿种介吃力、麻烦个事体也进了历史。
大家还在听
