介绍:
我来搭大家介绍我搿个同学个阿爸。阿拉同学拉爷对伐是个复员军人，是个特等战斗功臣。伊是伊是第一个冲上厦门岛插上红旗个人。特等战斗功臣，受伤无数。搿搭一洞，搿搭一洞，叭啊啊啊啊，像一副麻将牌侪辣辣伊身浪向。六嗦九嗦。负伤呢，侪是从枪林弹雨中过来个。葛末呢，伊复员以后呢就讲是到搿个泰康食品厂当了保安科副部长。葛末阿拉搿辰光辣辣屋里搓麻将。伊讲闲话对伐讲出来个闲话老有劲个。伊迭个闲话对伐叫部队里个官话。属于啥属于绍兴浦东本地普通闲话。四只闲话夹辣一道。讲闲话搿恁讲个。伊是搿恁介。
有一趟，82年个辰光，阿拉辣辣同学屋里搓麻将，学搓麻将，勿来钞票个。伊拉爷回来了，回来以后呢？伊平常辰光个作派完全就是搿种部队里个作派。包括军事用语。伊侪会得。伊叭回来一看，叭一看阿拉辣嗨搓麻将。伊马上跑过去拉窗帘布。
“最近外面风声很紧，你们打麻将要小心一点。这是资产阶级思想。小滑稽啊？”叫我小滑稽啦。“小滑稽，小滑稽，你勿好好叫学习，到我们家里来打麻将干什么？”
我讲：“爸爸，搿个我搭平常弄弄白相相。”
“不要白相白相，白相白相就要白相出事体来个。嗷，侬自家要注意一点。”
乃末伊拉爸爸老有劲个，只面孔冷面滑稽。从来勿笑个。但是闲话老多个。经常性就要拉老我对伐硬紧讲战斗故事拨我听。乃末阿拉年纪也小，我老欢喜听搿方面故事，晓得伐？
“小滑稽啊，你想不想听听爸爸个战斗故事啊？”“我讲爸爸，我要听我要听，侬讲拨我听。”
“哈，这个时候，我们在这个战争环境下头，哪里像电影拍的，人死不了的。叭一枪死不了，叭一枪死不了。是人，叭一枪都会死脱个。哈，你想不想知道爸爸在这个枪林弹雨里头是怎么过来的吗？啊？你想不想知道爸爸是怎样当班长的吗？”
哦呦，我欢喜听搿种故事呀。我讲：“爸爸，我要听的，你讲拨我听，你怎么当班长的？”
“事情是这样的，我当初是我们尖刀班的战士。尖刀尖刀，就是第一个冲在前头的。啊，我们我们部队里一个冲锋，我们尖刀班就排啊啊朝前头冲了。冲上去以后敌人蹩呀一颗炸弹下来，我看看他们都倒下去了，我没有倒下去。全班只剩下我一家头了。”
葛末我讲后来呢？
“后来我就当班长了。”
“爸爸，那么你是怎么当排长的呢？”
“哦呦，这个比这个残酷了。我们在这个福建沿海追击这个顽敌。我带牢我们我们这个尖刀班跟牢我们这个尖刀排，一路浪冲一路浪追，敌人一边逃一边回击，残酷呵。我旁边的战士，我的战友一个一个倒下去。倒下去末我还朝前头冲啊。我叭啊冲冲冲，冲到最后我一看，怎么人都没有了，全部牺牲了。就挺我一家头。我硬仔头皮冲啊，我再冲我冲，结果敌人嗷六个敌人他逃到了一座破庙里向拿门反锁了，我这个时候发觉他妈的我的枪到哪里去了。我手浪向只有两颗手榴弹。我这个时候不怕死的，我把两颗手榴弹盖子打开，引线套在手上，我上去一脚头把门蹬开来，说都不要动，我不要活了。”
伊讲伊勿要活了。
“我不要活了。”葛末我讲后来呢？“后来我就当排长睐。”
葛末我讲爸爸你是怎么当连长的呢？
“这个连长的故事我想起来我就要热泪盈眶啊。交关惨。那是我们攻克我们最后一只，是只攻坚战。我们这个连是尖刀连。我们要坚守这个阵地，这个阵地因为是个制高点。我们把这个红旗插辣嗨。我们就等待总攻。一定要屏到总攻过来。啊呀，敌人疯狂的扫射，还有飞机大炮乒乒乓乓，旗帜倒下去了。我的战士冲去把它扶正。叭，倒下去，再冲上去一个再扶正，到最后我们连里向只就我一家头了。我想我这次肯定是要死了。我觉着为了革命我死我是值得的。我跟我战友一道去白相了啦。我梆冲上去把旗帜扶起来我讲：同志们我准备死了。他妈的敌人投降了。
那么我讲后来呢？
“后来我就当连长了。”
我讲：“爸爸，我也认识很多部队里向，我亲戚也有部队里向个。你这个经历不得了啊。你这个经历连这种师长军长都没有的。你至少应该是个师长伐？你怎么连长就复员了呢？”
“小滑稽，事情是这样的。后来呢组织上发现情况有问题。发觉了这个情况。”
我说什么情况。
“是这样的，我到尖刀班，一个班死脱了，我后来当排长，一个排死脱了。我当连长，一个连拨人家灭脱。我如果再上去？后来他们就劝我复员了啦。”
大家还在听
