介绍:
第三十二课：
第一节：拷贝式话题句：
重复动词或名词，不是强调。如：“吃末吃勿好，乘车子末乘勿来。（又是吃不好，又是不会坐车。）”
做事体末做勿来，讲闲话末讲勿来，侬有啥用场。
伊闲话末瞎讲叭讲，事体末瞎做叭做，呒没出息。
第二节【王小毛看大世界】
王小毛扬招，开来一辆“法兰红”，到目的地，车费14元，王小毛拿交通卡放勒计价器上，听到哒哒哒读卡声后，就拿下卡，司机讲：
无没好了，再放上去。王小毛又拿卡放了上去，下车后觉得勿大对头，到地铁服务处一查，居然被连扣两趟14元，王小毛气得阿潽阿潽
：我今朝乘的是法兰黑啊！
第三节：上海话特色词汇
伤脱：自受到损害。表示老受伤。还有过头过量个意思。比如，钞票用伤脱了。大跃进个辰光，整个国家脱仔全国人民侪伤脱了。全国
人民侪唱：“可以挑千斤担，勿挑九百九，”辣末呢，全中国个人侪集团摒伤脱了。
花头：比喻一个人个本事脱仔能耐。比如：伊呒没啥花头。也用来指勿正当个关系，比如：伊拉两个人有花头。
寿头：寿是憨个意思，多指人勿晓得为自己打算。比如:侬老寿个。寿头是憨大个意思，含有迟钝，勿精明个意思。比如：搿个寿头，骗
伊也勿晓得。张学友有一首歌，里向是搿恁介唱个：“每个人侪辣辣讲搿种爱情呒没结果，”人家已经讲了清清爽爽搿种爱情呒没结果
，侬自介也晓得个，侬还一心想要扑上去，侬讲侬搿种人是勿是寿头？
浇头：常庄用来比喻写文章辰光外加个修饰。
嘘头：花招或名勿符实个装饰打扮，后多指滑稽，令人发笑个闲话脱仔动作等。也用来指一个人只是表面功夫好。
滑头：指办事勿牢靠，勿靠谱。比如：迭个人是个滑头。
派头：气势，架势，也类似于气质。比如：一看就晓得伊是老板，派头摆勒嗨。伊虽然穷，但欢喜惯派头。
1939年，周立波个老师姚慕双脱仔周柏春辣辣电台搭档演独角戏，埃个辰光两兄弟就出名了，每日可以攒回一条小黄鱼，葛唠姚老师对
衣着格外讲究。伊一直是西装笔挺，派头十足。
浪头：夸耀式个摆谱或炫耀一眼根本勿具备个么事，常常脱仔“惯”字搭配。比如：勿要看伊声音讲得老响，其实勿过时惯浪头。
上海闲话个表达方式蛮有意思个，一般如果听到有人讲：“勿是我要讲弄哦”，结果后头侪是讲侬个闲话；如果有人讲：“勿是我要惯
浪头哦，”结果伊后头一定侪是浪头乱惯。
第四节：上海话俚语
刮三：
指怪异个人脱仔事体，也指拿事情做坏脱了。
2009年春天，上海最大个新闻是啥？莲花河畔小区楼房倒覆事件。我从来侪勿晓得13层个楼房可以搿恁介倒下去个。介刮三个事体。搿
个公司个名字也老刮三个，叫：“梅都？”可能是倒霉个霉。开发商个名字用上海话读起来也老刮三个，叫：“缺根筋。
搅七廿三：指某人瞎搞，思路勿清爽，呒没本法沟通。比如：“事体蛮清爽个，侬勿要搅七廿三了。”
有一个出版社搅七廿三，伊拉盗版了周立波演出个DVD，DVD浪向写：“周立波，生于1908年。”
第五节：上海话童谣：笃笃笃卖糖粥
笃笃笃，卖糖粥
三斤蒲桃四斤壳
吃侬肉，还侬壳
张家老伯伯勒拉伐？
勒拉嗨。
问侬讨只小花狗。
侬来拣一只。
汪汪汪！
大家还在听
