广播专辑 周立波海派清口6 上海人住搭仔行（平台下配文字）

广播专辑 周立波海派清口6 周立波谈上海的住和行 我再来说说我们的行。....现在四只轮盘越来越多，说明阿拉个生活条件好了。对伐？原来侬辣辣九十年代，侬坐出租车，出租车，啊？绝对是属于大户噢？！九十年代头浪向，侬坐出租车，手浪向再拿一块砖头（指手机，因为那时的手机像一块砖头），就是埃只880，“喂，出来，统统吃下来呀！”，算大户了。那(葛）末现在（搿歇）坐出租呢？绝对属于散户了。对伐？葛末（所以）我有个辰光（时候）也搞勿懂，啥是顶时尚个出行方式？比方讲，侬去看，阿拉中国人辣辣走路个辰光，外国人开始踏脚踏车了。阿拉开始踏脚踏车个辰光呢？外国人开始开小车子了。阿拉好勿容易开小车子了呢？外国人又去踏脚踏车了。搿个到底啊里一个算顶时尚个？真个搞勿懂睐。阿拉上海创造了交关奇迹，啥个东方明珠唠，南浦大桥唠，杨浦大桥唠，金茂大厦唠，对伐，阿拉值得自豪个物事忒多嘞。其它勿讲，出行方式，外国人研究出来个磁悬浮，阿拉上海人自己厾dok钞票，全世界上海人第一个乘。对伐，大手笔，一甩一百个亿，解决了三十公里个交通难问题。我去坐过个，我排一看，60%是无人区。。嚓，过去了。娜阿是过着搿种台型属于清水台型伐？.... 搿就叫大手笔。现在先等辣外国人面前着着清水台型，.... 搿个绝对要眼光放得远。....迭个（这个）是所有中国人，特别是上海人，应该觉着自豪个。对伐？ 1978年，到现在2009年，三十年，阿拉搿种飞跃，非常（邪气）了勿起个。我呢？搿个人欢喜反思个。我辣辣（在）想噢，78年到2009年阿拉高速发展，埃，如果讲中国人早点（眼）清醒，从1949年开始，阿拉大家到迭个1978年迭个130年，....，阿拉现在还了得啊。六十年经济高速发展。我相信如果迭个辰光真个搿六十年大家勿搞来搞去噢，搿个六十年阿拉全面发展个闲话，我坚信，现在全世界关注个重点，绝对勿是美国个白宫，而是阿拉北京个故宫，对伐？ 但是，过去的何必再回首。... 所有中国人，所有上海人，侪勿应该忘记我们敬爱的小平同志。.... 因为呒没小平同志，弄了勿好阿拉现在还辣辣斗鸡睐。.... 迭个小平同志多少伟大啊。阿拉搿个十三亿中国人民真个侪要记牢你。阿拉小平同志上去以后。马上就搞改革开放。伊讲：.... 外加打开到娜关勿脱。后来他卸任之前，伊还勿放心，常怕伊慢下来后再还拨娜关脱。伊就拿埃（那）只门套也拆脱了。.....娜去想，1978年开始改革开放，我就讲1979年好了，阿拉小平同志辣辣（在）中国个南海划了一个圈。搿只圈一划，中国开始长翅膀了。1979年埃？多少伟大个举动啊。 其它覅fiao讲，1979年电视机多少稀奇啦。电视机老稀奇个。勿像阿拉现在，阿拉现在屋里向一般一只两只总归有个唠。大个。有种屋里条件好点个，四只五只。对伐？我有个朋友屋里向42只电视机。伊修电视机个。1979年，屋里有只，侬有电视机是勿得了个啊。闹，阿拉屋里向1979年就有一只9寸头个黑白电视机。哼哼，凭啥阿拉屋里向会得有啊？因为阿拉爸爸是采购员。哦呦，搿只电视机，拨我带来忒多忒多美好个回忆。拨我老过念头个侬晓得伐？一到夜里向，我就问阿拉隔壁头个阿婆，借只红袖章，带了自家手浪向，还拿把尺。“坐到后头去，昨天侬第一排，今朝还想坐？坐到第三排去。”....。开心呦。 葛末后头人越看越多，阿拉隔壁邻居搭阿拉关系侪老。为啥侪好？勿是讲阿拉屋里哪能好？因为阿拉屋里有电视机。所以侪要来拍阿拉马屁。葛末，到后来，人越来越多越来越多。哪能看法仔呢？三四排。上海人真个聪明。大家侪晓得个对伐？弄弄了只放大镜。那么侬去看，九寸头个电视机辣子可以放到14寸。对伐，十四寸。然后搿个放大镜摆了前头以后，还去还去做了只套子睐。搿只套子勿是按照九寸头做个，是按照14寸做个。套辣嗨啥人也勿晓得，以为，哦呦，一只十四寸电视机么？！葛末阿拉爸爸呢辣辣搿个上头犯了严重个错误。伊想一步到位。阿拉屋里向九寸头个电视机，阿拉爷配了一只十八寸个放大镜。.....。因为变形了晓得伐。侬明明辣辣看足球比赛，后头就看成篮球睐。足球变成扣篮了，因为变形了。最最吓人个是啥晓得伐？最最吓人个是看电视剧，真个老恐怖个噢。如果真好一只近镜头推上来，真好是感情戏，镜头搿排头排排排推上来，推到搿搭噢，哦呦，瞎吓人。真个，两只鼻头洞像两碗饭一样。搿多少吓人辣嗨。所以交关（许多）事体都（侪）勿能过，侬讲是伐？搿辰光电视节目么也老少个（地）。好看电视节目勿多。但是，外国广告进来了。娜想得起来勿，阿拉上海看得着个。搿个（这个）第一只外国广告是啥？交关人想勿起来了，但是搿只音乐起来大家肯定想得起来。..... 想起来了对伐？哎，第一只进来个就是万宝路。娜覅讲，美国赤佬真个会做生意。广告进来了，物事呒没个。天天拨娜看，买勿着。....闹，真个，美国人拨阿拉生动上了一堂啥歌是市场经济个课。.... 搿个是必须要买账个。人家是狠，对伐。葛末，搿个辰光万宝路广告天天搿恁介看。万宝路只有啥个 地方买得到呢？只有宾馆里向。宾馆里向呢？中国人侪（都）进勿进去。侬要凭搿种兑换券侨汇券唠去买。.....