广播专辑 周立波海派清口11 市场经济

广播专辑 周立波海派清口11 全民经商 我在来讲讲阿拉九十年代初啊？实际浪做上海人应该侪晓得，是啥开始泛滥了，晓得伐？是全民经商了。交关假货就是辣九十年，92年93年辰光交关假货出来了。呶！到最顶峰个辰光是阿拉襄阳路浪。对伐？襄阳路浪侬要啥侪有个。LV老板到襄阳路看了看biang七窍流血，介便宜。LV搿只品牌是唯一最牛个品牌，伊是勿打折个。啊！跑到襄阳路一看，随便挑挑，一百块二百块个事体。侬讲是伐？好。葛末搿个辰光假货出来了。假货出来以后呢？我也吃过家生个。假货！哪恁桩事体呢？我搭朋友，有一趟搭我讲：立波！送只表拨侬。嘭！拨了我只表。我一看，呦！劳力士嘛？而且是金印个哦。反面机芯透明个哦。老嗲！老重。我讲：无功勿受禄，迭个物事要还拨侬。啊呀!搿个是假个，拨侬带了白相相个。我讲几钿啊？伊讲400块。400块只劳力士？搭真个一模一样！所以讲搿个是防水个噢，侬带带白相相。葛末我也觉着蛮有劲个。400块带带白相，我就带辣嗨。乃末，我呢？老欢喜汏浴个。我搿辰光一个礼拜总归要到浴室里去汏两把浴。再做做脚老开心个。呶，并勿是讲我平常辰光勿汏浴哦。我我每天要汏两把浴。娜一看就晓得我人老清爽个。我人好叫比我灵魂清爽了。葛末带好搿只表之后呢，搿天呢搭朋友吃了眼小酒。然后人有点微熏，微熏，去汏浴了。汏浴之衣裳脱好弄好之后我刚刚想脱搿只表，我特为勿脱啦。因为伊防水晓得伐。叭混堂里跳下去。泡！适宜啊！！！弄好之后大毛巾嗒一揩上去了。我叫：小扬州，过来做脚。过来，做脚。小扬州搭我做了交关年数睐。伊讲：来了，立波。坐了帮我做。后来我觉着勿大对。伊哪恁做个辰光一直瞟法瞟伐。我晓得伊辣看我只劳力士。我存心搿恁。后来，伊讲：立波？新买来只表哦？我讲：嗯！劳力士哦！嗯！立波？侬搿只指针蛮嗲个吗？我辣想哪恁指针蛮嗲啦？搿算啥意思啊？我啪一看，要死快了？表盖没了。伊？勿是防水个末？想起来了，伊是防冷水勿防热水个啦。我嘭跳下去后么热胀冷缩了。上来迭只表盖头啪松脱了。乃末我勿是用大浴巾揩么？一揩对伐？拿只秒针揩起来。秒针拨毛巾一带敲起来了。翘起来到算了，挂三就挂三辣伊还辣嗨走晓得伐？搿只秒针辣辣恰恰恰恰。我一看就讲：迭个是假的。biang掼脱。伊讲：慢！拨我玩玩。真个，搿个假货我吃家生哦。绝对属于老退灶势哦。 时间浪向，阿拉改革开放分成三个阶段。十年一趟十年一趟十年一趟。90年代，实际浪是经济浪向一个分水岭。是阿拉中国改革开放经济浪向一个分水岭。对阿拉上海也是同样个。我认为噢1990年12月10号就是阿拉经济腾飞个一个老重要个标记。为啥讲是迭日脚呢？因为上海证券交易所成立了。迭辰光总共只有八只股票。叫老八股。深圳也出来五只股票，叫老五股。......眼睛一眨，眼睛一眨哦，阿拉迭个股市已经十八年唠。十八年过去了，正正宗宗叫蝶影十八年。压末句闲话大家一定要问睐。......勿会永远霉个，也勿会永远开花个.....前头六趟阿拉覅讲，因为讲讲要讲三四个钟头了。阿拉就讲最后第七轮， 应该讲是从2006年个一月从一千二百点开始启动，截至2007年，.....。啪！一只休止符号头！调头！以自由落体个方式，摔得了粉粉碎！啥个叫奔溃！奔溃就是要崩成一块一块！全部崩溃！娜讲是伐？.....。迭个第七轮迭只行情绝对属于全世界呒没个。是历史浪最激烈个。娜去看！06年07年个辰光哦？阿拉马路浪侪点啥个人啊？侪是点横过来走个人哎。狠啊！人人以为自家是股神.人人认为自家是巴菲特。人人认为自家炒一只赚一只。外加个个故作神秘，炒股个人。连卖葱姜个阿婆也讲：伊有消息！侬跑到汏脚棚里去哦，搿点小姐，一边辣搭侬做脚一边讲：我有消息个，侬要清爽。汏脚棚里个小姐讲伊有消息个。汏脚棚里经理讲伊看得懂K线图个。我也看勿懂。我讲侬到讲拨我听听啥叫K线图。哦哟喂周先生，迭个K线图么老便当个唠！迭个往上个叫阳线！往下的迭个叫阴线！葛末我讲当中呢？当中个迭叫寻死！我讲哪恁讲叫寻死呢？伊？侬钞票进去勿赚也勿亏，侬勿是寻死嘛？对伐？但是，好睐，花无百日好！07年10月份吧嗒大家全部侪套牢。对伐？一直到08年。娜讲：08年大家正宗霉噢！啊？08年阿拉全中国人民全部吃辣辣慢挡里哦。后来勿对，还吃进倒档睐。老结棍个。08年当然也有好事！阿拉个奥运会唠啥。但是辣辣经济浪向。