广播专辑 弄堂茄山胡03 上海月薪过万的女性婚姻状况

(上海话顶呱呱谈山海经微信公共群定期发布上海闲话广播，欢迎关注。) 上海月薪过万个女性婚恋状况：只恋爱伐结婚也蛮好 周小姐，29岁，银行理财经理，月薪2万，恋爱经验零，换一句言语讲，就是情商是零。 对周小姐来讲，过年，又是一个难过格单身“劫”。过年呢有7天放假，伊主动安排了两日加班，别过皇帝弗急急煞太监，伊姆妈老样子 脱伊订好了两场饭局脱仔三趟相亲。伊晓得，勒拉圆台面浪向，会起一眼蓬头，通过精心安排，让伊弗当心“碰巧碰着一个人”。老花 头头睐。 听讲伊还一介头辣嗨，亲眷朋友侪有一眼想弗唠，而周小姐碰到搿眼亲眷个辰光觉着浑身难过。伊拉拆会的问：“喔唷，条件介好格小 姑娘，哪能会到现在还呒没结婚？”伊呢索性就勒拉婚恋网站浪向写起了自己个“征婚简历”。伊讲：侪啥个意思啦，我真个介“老” 了？啊？！拨伊拉讲得忒多了，周小姐也有一眼懊恼。伊想弗通，勒拉伊留学个辰光，搿个年龄段个单身男女还是“一抓一大把”，呒 没人催侬谈朋友、结婚，为啥勒拉中国就变成了搿副买相勒呢？ 别过，讲老实闲话，周小姐还是想谈朋友格，“我勒拉等一个自己满意格！”搿句闲话常庄挂勒拉伊嘴巴里向。大学辰光，伊也曾有过 两个追老伊，别过伊侪看不上。结果呢，勒拉谈朋友方面，伊到现在还是白纸一张。“从小到大，从读书到上班，我侪是认认真真格做 好，凭啥搿个事情我就搞弗好，就要让我马马虎虎随便寻一个人就算勒呢！”周小姐觉着想弗落。 前两年，留学刚刚回来。周小姐也有一腔唠配合格去相亲，没想到经历了几趟刚刚晓得，两人要看上眼真格邪气难。“弗是优秀格男人 太少，而是正常格男人太少。”周小姐挖塞讲，要么一上来就谈房子、车子、票子脱仔小人；要么性格怪里怪气格，一看就有家庭暴力 的倾向；要么就是买相太对弗起，觉着勒拉一道会降低后代个品质；好弗容易碰到个长相、性格脱仔三观侪比较符合个人，人家又看不上伊了。