介绍:
葛唠=所以；畀=拨，给；早朗向=早上；触霉头=倒霉；啥人=谁；哎个=那个；今朝=今天；呆脱勒=呆掉了；天晓得=谁知道；
小酸梅勿听闲话，葛唠畀关进勒一间黑房间，房间里向还摆勒两只老鼠，有人想用老鼠来吓吓小酸梅。天晓得搿个小酸梅有眼花头额，伊居然让两只老鼠成为了小酸梅个好朋友。两只老鼠帮小酸梅勒拉墙角挖勒一只洞，小酸梅从洞里向爬出去逃脱勒。小酸梅蹦蹦跳跳，奔向自由，顺利回到顶呱呱群。
因为小酸梅有两个小老鼠朋友，葛唠，第二日早朗向，阿彬师傅带勒小酸梅脱仔嗲豆浆一道去打预防针，两个小人穷哭了，哭得勒一天世界。两个小人一到医院就变成一摊药。死活覅去打针。结果畀医生揿牢仔打了一针。一打好针，两个小人开始老三老四要寻吼势，讲要去打医生，还讲医生是日本特务，专门欺负中国小人，要拿医生赶出中国。两个医生一口吃准医生是丹尼尔师傅。拿起扫帚追勒拉医生后头要打医生，死活要要畀医生关到钓鱼岛浪向去。
阿彬师傅好勿容易拿两个小赤佬拖回小区，阿彬师傅要去上班，要两个小赤佬自己乘电梯上去。也算伊拉触霉头，电梯坏脱勒，要伊拉走到30层去。两个小赤佬开始爬楼梯，好勿容易爬到29楼，听到有电梯声音，两个小人开心得勿得了，奔到电梯口，跳勒进去。电梯门自动关牢。一夕夕辰光，电梯就到勒底层。电梯门一开，外头立勒拉一个老师傅。老师傅呆脱勒:"小鬼头，我勒拉修电梯，捺哪能会勒拉电梯里向啊？出来，自介走上去。”嗲豆浆脱小酸梅想，今朝真个是碰到赤佬勒。两个小人又开始爬楼梯，好勿容易爬到30层楼。两个小家伙又憨脱勒，侬看看我，我看看侬。做啥，伊拉发觉阿彬师傅钥匙没拨伊拉。两个人搿是多少吼啊。伊拉到29楼敲君君妈妈个门，要君君帮忙打电话拨阿彬师傅送钥匙来。
辣末，两个小朋友好勿容易进勒房间，坐勒拉床朗向，想想就发吼，就又发格起来，勒拉窗浪向滚来滚去。啥人晓得，一记头喔，两个小鬼头从床朗向翻到床下去勒，翻到了地朗。 乃么好勒，两个小赤佬开始打地板勒。小酸梅拿起一把榔头，梆梆梆砸地板，拿地板敲出勒一只洞。住了楼下头个是勒拉休产假个君君妈妈。君君妈妈实在吃勿消了，就要上楼去脱两个小赤佬算账。嗲豆浆拿起阿彬师傅个皮夹子就逃勒出去。结果，小酸梅一介头又畀关进了派出所。
嗲豆浆一介头勒拉马路浪向荡来荡去。正好上海小囡走过，伊问嗲豆浆：“公安局哪能走？”嗲豆浆看了上海小囡两眼，问：“侬是想走路去呢还是要坐车子去呢？”上海小囡回答：“可以坐车去？葛末当然是坐车子去！”嗲豆浆一听，就拿手里向个阿彬师傅个皮夹子畀上海小囡：“这个么事侬脱我拿好。”上海小囡接过皮夹子后，嗲豆浆立刻大叫：“有人抢皮夹子！”十分钟后，上海小囡坐勒拉公安局个押送车，畀送进了公安局。嗲豆浆也被接进了公安局，去做笔录。勒拉公安局里向，嗲豆浆呆脱勒，居然小酸梅也已经畀君君妈妈送到勒公安局。结果，小酸梅脱嗲豆浆又拨关进了黑房间。两个小赤佬抱勒拉一道，又开始策划哪能样子可以寻到哎个两只小老鼠来帮忙。
原创：顶呱呱，沈老师
大家还在听
