广播专辑 周立波海派清口3 抢救上海话

广播专辑 周立波海派清口3 抢救上海话 凭良心讲阿拉个上海闲话真个是罪过嗷，啊？已经拨迭个普通闲话逼了挂了墙壁浪头了。真个，一个地方个方言是相当重要个，一个地方方言歌削弱将意味着搿个地方文化个削弱。搿是老吓人个。哎，我真个搞勿懂为啥上海小学里向勿好讲上海闲话呢？为啥勿好上海闲话讲讲普通闲话讲讲呢？为啥要一定让阿拉个小人侪讲普通闲话呢？葛上海人勿好讲上海闲话，我真个觉着碰到赤佬了。真个，我现在发觉上海方言已经岌岌可危了，真个。伊已经到了非常危险个时刻。 我有桩事体，我举只例子拨娜听。听了我老痛心个。有桩事体讲有个上海人。辣上海当然勿好唠，因为盗窃罪吃了八年官司。从新疆刑满释放回来。回来以后还寻勿着方向吗，结果准备铤而走险。居然想起夜里准备出去拦路抢劫哦。啊，魄力蛮大个。结果对伐，伊辣辣弄堂里向看啊看啊看。突然之间，看到一个女个，长波浪，上名牌下拎一只LV个包啊走路，嗒嗒嗒嗒嗒嗒。伊以为伊有钞票睐，实际浪是看走眼了。像搿种女个，拎个LV搿恁走路个对伐？搿只LV包肯定是辣向阳路浪买来个。伊又勿晓得。后头排啊啊跟过去，看到好动手了。 钞票拿出来！ 搿个女个讲：你说什么？ 拿皮夹子拿出来！ 你态度好一点好伐？请说国语。 抢钱了！！ 救命啊！！！ 刚刚反应过来。娜讲罪过伐？！现在上海滩抢钞票还要开国语个？！ （普通话省略.......） 我准备辣辣辣辣今年个十一月份准备出一本书 .....